CEBU CITY - Nakigtigom si Cebu City Mayor Edgar Labella kauban sa City Administrator Atty. Floro Casas sa pipila ka miyembro sa Hotel Resort and Restaurant Association of Cebu Inc. (HRRACI) lakip kang Atty. Jocelyn Pesquera, ang chairman sa Cebu City Tourism Commission.
Atol sa tigom, mipadayag ang HRRACI ang ilang mga sugyot ug concerns ni Mayor Labella aron mabalik ang kadasig sa tourism industry.
Usa sa nahisgotan mao ang paghan-ay sa mga requirements sa pagsulod dinhi sa nagkadaiyang local government units (LGUs) sa Sugbo ug uban pang mga concerns. Buot sa HRRACI nga adunay hiusa nga requirements ang mga LGU aron nga dili maglibug ang publiko.
Sa iyang bahin, si Mayor Labella mipadayag sa iyang suporta ug tabang nga makabangon ang tourism industry human nga grabeng naapektohan kini sa Covid-19 pandemic.
Usa ka Memorandum of Agreement (MOA) ang gi-pirmahan ni Mayor Labella ug Department of Tourism (DOT) 7 Regional Director Shahlimar Tamano alang sa tabang pinansyal nga nagkantidad og P2.094 million gikan sa DOT 7 alang sa Cebu City Government.
Ang maong tabang pinansyal alang sa Tourism Product and Market Development Program nga naglangkob sa mga programa sama sa highland blooms, Eco-Tourism ug Urban and Coastal tourism. Mapasalamaton si Mayor Labella sa assistance nga gihatag sa DOT 7 alang sa pagpalambo sa turismo dinhi sa Dakbayan sa Sugbo.
Lakip sab sa mitambong sa MOA signing si Atty. Jocelyn Pesquera, ang chairman sa Cebu City Tourism Commission ug Cebu City Councilor Prisca Niña Mabatid, kinsa mao ang chairman sa Committee on Tourism sa Sangguniang Panlungsod. (CPIO)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment