3 kelot niratrat sa inuman sa Zambo Sibugay

ZAMBOANGA SIBUGAY – Patay ang isang lalaki at sugatan naman ang dalawang kasamahan nito matapos silang ratratin habang nasa kalagitnaan ng masayang inuman sa bayan ng Ipil sa Zamboanga Sibugay province.

Sinabi ng pulisya kahapon na nasa pagamutan pa sina Ric Lamosao, 43, at Rodel Policarpio, 35, dahil sa mga tinamong tama ng bala sa katawan. Dead on the spot naman si Joseberto Martinez, 35.

Hindi pa mabatid ang motibo at kung sino ang nasa likuran ng atake na naganap mismo sa sentro ng Poblacion kamakalawa ng madaling araw. Naglipana sa Poblacion ang mga ponda ng barbeque na nagbebenta ng beer at alak.

Bantay-sarado naman ngayon ng pulisya ang Zamboanga Sibugay Provincial Hospital na kung saan ay under observation pa rin ang mga biktima at baka umano balikan ng killer. (Mindanao Examiner)

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Share The News