'Ang Kwaresma nga nagmansa sa Pilipinas' Ni Jun Ledesma

Mga Sukat gikan sa Davao: Ang Kwaresma nga nagmansa sa Pilipinas Ni Jun Ledesma

 

ANG USA ka Victoria T. Corpuz, nga kuno special rapporteur sa United Nations Commission on Human Rights ug eksperto daw kuno sa human rights sa mga Lumad, ningbuwa ang baba sa pagsaway sa administrasyong Duterte didto sa mga panagtapok ug mga forum sa Uropa tungod kay kuno gi tag siya og terorista. Apan diha lang sa iyang pag-admiter nga sakop siya sa mga kapunongan nga makakaliwa ug nailhan nga frente sa CPP/NPA siya misikat.

 

Di na nato siya tagdon. Basig makalimot ta nga dili si Pres. Rodrigo Duterte ang ning tag sa CPP/NPA nga usa ka teroristang organisasyon. Dugay na nga giila sa European Union ug sa US nga ang mga rebeldeng komunista ug ang mga nagasuporta kanila mga terorista.

 

Gisaad ni Duterte ang kalinaw ug iya ning gituman. Iyang gitugotan ang tanan nga mga sektor gikan sa nagkalainlaing hut-ong ug kolor sa politika nga mosalmot sa implementasyon sa iyang programa sa gobyerno. Gikantyawan pa siya sa iyang paghimo niini apan iya gihapon nga gituman. Usa sa unang gitagaan niya og atensyon paglingkod gyud niya pagka Presidente mao ang paghatag og mga sensitibong mga posisyon sa Gabinite sa mga tawo nga mga sakop sa CPP/NPA ug ang pagbanhaw sa peace talks sa mga ning-alsa.

 

Wala ko kahibalo og gisultian ba ni Ms. Victoria ang iyang mga bosing sa UNHCR ug ang mga ningtambong sa mga forum bahin niini. Wa ko kahibalo og isip rapporteur, iyang gipadayag sa UNHCR nga kadaghanan sa mga lideres sa mga rebelde dili na kamao manimuyo nga malinawon. Dili na nato tukion pa ang gihimo sa NPA nga pag-ambus sa Presidential Security Group kay tingali nagtuo sila nga kauban si Duterte sa PSG. (Adunay nakaeskedyul nga kalihokan sa Bukidnon nga imbitado si Duterte niadtong panahona). Halos magdungan ning maong pag-ambus sa PSG sa lain pang pag-ambush sa usa ka patrolya sa pulis nga ningresulta sa pagkamatay sa usa ka opisyal ug usa ka batang masuso ug miangol sa mga sibilyan nga kauban sa masuso nga nagsakay og lain nga sakyanan nga naatol nga nagbiyahe lang subay sa maong karsada nga giaagian sa nagpatrolya.

 

Nakalimot si Victoria aning tanan. Gikanselar ni Duterte ang peace talks human niining mga insidente apan nasayod ko nga nahibalo si Victoria nga ang Presidente mipadala gihapon kang Peace Adviser Jess Dureza aron morepresentar kaniya sa mga dili maihap nga mga panlimbasog sa pagkab-ot sa pagsinabtanay nga mobunga sa kalinaw. Apan kawang lang ang tanan. Klaro kaayo nga si Joma Sison gusto og mas dako pa nga bahin sa Republika sa Pilipinas, butang nga gibalibaran ni Duterte.

 

Bisan wa pa moarya ang kaalingugngog sa iyang nagkayokayo nga pakigpulong nga grabeng nagsaway sa administrasyong Duterte tungod kuno sa pagkamadaogdaogon niini ug sa iyang pagpanggukod ug pagpatay kuno sa mga kritiko apil na ang mga gaygmayng bata, ang New Peoples Army ning-ataki sa adlawng dako sa usa ka kompaniya nga naghimo og patipas nga karsada sa Davao City ug Panabo City– ang balwarte sa Presidente.  Kun dili ni paggaugao sa gobyerno, pangilkil ni. Makauulaw, tinalawan ug patraydor ni nga ginahimo sa mga NPA aron silotan kuno ang mga biktima tungod kay wa makabayad og revolutionary tax nga ilang ginaimposar. Aksyon criminal kini ug angay lang nga tubagon kini sa pamaagi nga motubag sa krimen ug mga criminal.

 

Kahibudngan nga samtang ang baba ni Victoria nagpakapaka sa mga bakak didto sa Milan, Italy, dinhi sa ato ang mga kasimbahanang Katoliko sa panahon sa kwaresma aduna lamang usa ka tema nga ginabatbat sa mga pulpito:  “atmospera sa pagpamugos sa sulod sa nasud ug mga sundalo nga napugos og pamatay sa mga bata sa ilang kampanya kontra sa droga.” Ug dili ba sobra ka kataw-anan nga ang tanang simbahang katoliko ginagwardahan sa mga polis ug mga sundalo aron sa pagprotekta sa mga nagasimba?

 

Si Victoria T. Corpuz ningdeliber sa iyang palaaway nga diskurso sa usa ka forum sa human rights. Wa ko kahibalo kun gisugo ba to siya sa UNCHR nga sawayon si Duterte o iya lang ba gyud tong kabubut-on. Kun unsa man, segurado nga puno ang iyang pitaka sa euro nga gikinahanglan niya sa pagsabwag og mga pagbutangbutang, pagpakaulaw, pangdaut, ug panginsulto sa ilang paboritong target nga si Duterte bisan og wa gyud silay makutlo nga usa ka ebidensya nga ilang ikalansang kang Duterte sa ilang tumotumo nga isyu sa extra-judicial killings ug sa Davao Death Squad.

 

Lagmit nagmalampuson si Victoria ug ang UNCHR sa pagdaut sa dungog ni Duterte apan gamay ra kini kun itandi nimo sa kadaut nga gihimo nila sa Pilipinas, ang atong yutang natawhan. Kinahanglan ikondenar kini. Dili ko segurado kun tinuod ba gyud nga anaa siya sa listahan sa mga terorista apan dili ko masorpresa kun anaa. Daghan kaayong mga way puangod nga mga personahe ang ninggamit sa mga inosenteng Lumad aron maoy itukod nila sa ilang mga kadudahan nga mga agenda ug ang intelligence sa estado kahibalo niini.

 

Sa Davao City pananglit, kadtong mga nagapursige og human rights mopakyaw og mga bus aron masakyan sa mga IP gikan sa mga lagyo nga probinsya aron sugoon nga magrali ug magdemonstrasyon. Mosinggit sila’g mga nagsumpaki ug balikwaot nga mga slogan nga wa mausab sukad pa sa 1960s. Para unsa? Para makakuha og pondo. Nganong sa Davao City? Tungod kay diri sa Davao City dili na kinahanglan nga mokuha og permit gikan sa LGU aron tugotn ka nga mopahungaw sa imong mga reklamo. Kini nga kagawasan gigarantiyahan sa administrasyong Duterte kaniadto ug hangtud karon. Ngano nga Davao City? Tungod kay ang syudad sentro dili lang sa komersyo sa Mindanao kundili sentro sab sa komunikasyon og impormasyon sa tibuok rehiyon. Dinhi, ang mga demonstrasyon ug nagkayokayo nga mga diskurso ginareport sa media. Pinangga kaayo sa HRW NGOs ang Davao City. Makakuha sila dinhi og mga materyales nga ilang ilakip sa ilang mga project proposals nga ginasumiter sa mga foundation ug mga organisasyon sa Uropa ug sa Canada nga nagahatag og pondo.

 

Lagmit nga dugay na nga wala na si Ms. Corpuz sa Cordillera ug nalingaw na siya sa pagkakomportable sa kinabuhi sa Uropa sama kang CPP NPA Chairman Jose Ma. Sison. Nawad-an na siya og koneksyon sa mga buhing realidad sa Pilipinas. Samtan ang mga NPA nagalunsad og mga pag-ambus sa mga sundalo ug mga sibilyan, libu-libo na ang ningsurender. Mientras daghang mga drug lord ug tigtulak sa droga ang napatay tungod kay ningsukol sa mga awtoridad, lampas sa usa ka milyon nga tigtulak og droga ug mga adik ang ningsurender ug nagparehabilitate ug narehabilitate na.

 

Ang ekonomiya ningtubo ilawom sa landong sa himsog nga klima sa pagpamuhunan ug ang administrasyon nagsugod na og kontrata sa mga dagko nga mga proyekto apil ang mga railway, karsada, tulay, irigasyon, airport, pagpataas sa mga sweldo sa mga magtutudlo, sundalo ug pulis ug libre nga irigasyon sa mga mag-uuma. Dili na itoy ang Pilipinas ug nalibre na kini sa pagtratar nga abajo-mando ug sulogoon sa ubang nasud nga mapahitas-on.

 

Si Victoria T. Corpuz nahimutang sa usa ka situwasyon nga dili na maulian: wala na makaila sa katinuoran ug naganegar na sa realidad. Apan kinahanglan niyang modiskurso sa mga forum sa human rights sa Uropa kay tua didto ang mga dagkong pondo nga maoy ginasuyop sa mga HRW NGOs. Sa Uropa ang mga donor foundation nga maoy agianan sa mga tabang ug mga panghatag sa mga nasud sa EU ug dinhi sab ginapahat-pahat ang maong mga kwarta ngadto sa mga modawat nga mga NGOs sa HRW NGOs dinhi sa Pilipinas.

 

Makaguol ug makairita nga si Archbishop Luis Antonio Tagle, nga dili gani makahatag og pangalan sa iyang tendensiya sa iyang mensahe sa kwaresma ngadto sa mga Katoliko, sama kang Victoria, nakalimot nga ang nasud nga ilang gitawag og mora og killing field kun diin ang pagpamugos maoy kasagaran nga kahimtang ginatagan og riting sa mga dagko, international ug kasaligan nga mga kompaniya sa riting nga nasud nga lig-on ang ekonomiya ug may taas nga grado nga pwedeng bun-agan og puhunan sa mga mamumuhunan.

 

Akong Tagle, akong Tagle, unsa diay ka korto ang imong tinan-awan nga monegar man ka niining maong mga katikaran ug sama kang Victoria, garapal kaayong motawag sa atong nasud nga usa ka nasyon nga nailawom sa diktadurya ug sa kahimtang nga ginapugos. Libre mo nga momartsa sa kadalanan bisan og walay permit, di ba? Nagkayuring ug nagkayagaw na lang gani ka apan wa gyuy ningsampong sa imong baba. Tama? Karon kun imong isulti nga ang tingog sa katawhan mao ang tingog sa Diyos, sud-onga ang wa pa gyud sukad mahitabo nga nanganawkanaw nga riting sa pag-aproba ug pagsuporta sa katawhang Pilipino sa tawo nga inyong gikalagutan, nga mao si Rodrigo Roa Duterte. Dayon sultii mi og nasud ba kita nga hinadlok. Sa tinud-anay lang, dili kita nasud nga gilobatlobatan sa kahadlok. Gawas lamang sa mga criminal ug mga terorista. (Jun Ledesma)

 

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/
http://mindanaoexaminernewspaper.blogspot.com/
Share Our News
Digital Archives: http://issuu.com/mindanaoexaminernewspaper