PWERTENG DIMALASA! Sa talay sa kusgan ug gamhanan ang Speaker sa Camara de Representante di layo sa naglingkod sa Malacanang ug gagunit og dako kaayo nga gahum ug mga katungdanan sama sa pag-atiman sa panudlanan sa nasud ug, sa linggwahe pa mismo ni Rep. Pantaleon “Bebot” Alvarez, pwedeng mo-impeach og Presidente.
Alang kang Davao City Mayor Inday Sara Duterte-Carpio kadtong mga pulonga lawom kaayo og dulot ug kun ang iyang amahan wa mointerpriter niini nga insulto, ningsantop ni sa hunahuna sa babaeng Mayor nga dakong insulto. Gipalabay lang una ni sa Mayor. Sa dihang naningamot siya sa pag-organisa sa Hugpong ng Pagbabago, ningbuhi og mga pulong si Speaker Alvarez nga ang HnP usa ka partido sa oposisyon. Kini ang ningbali sa bukobuko sa kamelyo ug nahurot ang pasensya sa Mayor. Di mabangbang ang mga tubag sa anak sa presidente ug giklaro niya nga ang HnP mopadagan og kandidato sa sunod nga piniliay kontra sa Speaker didto sa iyang distrito.
Apan unsa man ang Hugpong ng Pagbabago ug ang tumong niini? Giorganisa ni aron sa pagkonsolida sa liderato politikal sa Rehiyon XI, aron sa pagharmonisa o pag-angay )sa mga plano sa kalamboan sa rehiyon ug pagpakusog sa iyang tingog ug hiniusang pwersa aron kolektibo kining mokabya og mga risorses ug proyekto gikan sa nasudnong kagamhanan padulong sa rehiyon. Usa sa mg katuyoan niini mao ang pag-apud-apud sa mga industriya ngadto sa nagkalainlaing lokalidad sa sulod sa rehiyon gawas sa Davao City aron malikayan ang sobra nga pagpunsisok sa populasyon ug industriya sa usa lang ka lugar. Sa laktod nga pagkasulti, ang mga lideres nga politikal ug mga tighan-ay og mga plano di gustong motagamtam sa urom nga mao ang grabe nga pagpunsisok sa katawhan sa Metro Manila. Ila nga gikuha si Architect Jun Palafox aron modesinyo ug usa ka dakong siyudad nga mosangkad sa entiro Rehiyon XI.
Mga dagkong personaheng politikal sa rehiyon ang mga miyembro sa HnP apan layo ra sa tinuod nga kini katahapan nga usa ka hut-ong sa oposisyong politikal. Kulang og kwentada o korto og utok ang maghunahuna niini. Ang nagpahimugso niini mao ang sunodsunod nga pagtrampas sa mga politikong gikan sa gawas sa rehiyon sa mga teritoryo sa distrito nga ang tuyo mao ang kompletong pagguba sa nagakadako nga industriya sa saging pinaagi sa pagdismantle sa biosecurity measures nga nagkontrolar sa gikahadlokan nga fusarium wilt.
Hinumdomi nga sila si Rep. Johnny Pimentel sa Surigao, Rep. Rey Umali sa Mindoro ug Deputy Speaker Gwen Garcia sa Cebu ang ningsabat, ningduyog ug ningtsuwariwariwap sa panawagan ni Speaker Alvarez nga idismantle ang mga quarantine station sa Tadeco banana plantation ug pag-imbestiga sa iregularidad kuno sa Joint Venture Agreement tali sa kompaniya sa saging sa mga Floirendo ug sa Bureau of Corrections. Giunhan sila sa Chief of Staff sa speaker, ang usa ka Edwin Hubahib, ug DPWH Engr. Noel Basanes, sa pagpangguba sa mga biosecurity gate nga kuno gimontar sa mga karsadang publiko.
Ang party list Representative nga si Ariel Casilao ningbale-wala sab sa mga warning sa Philippine Banana Growers and Exporters Association nga ang pagdismantle sa mga quarantine station malagmit maoy kawsa sa pagtakodtakod sa sakit nga Fusarium wilt, di lang sa Tadeco kundili sa tanang plantasyon sa saging sa Rehiyon XI. Ang Fusarium Wilt ginatawag sab og Panama disease, usa ka klase sa makadaut nga fungus nga nagapuyo sa yuta ug ninglampornas sa entiro industriya sa saging sa maong nasud. Ang PBGEA naghimo na og mga lakang nga pang-emergency aron mapugngan ang ataki sa maong sakit tungod kay ning-ataki na ni sa mga plantasyon sa Australia ug ubang silingang nasud ug ningtakod na ni sa kasagingan sa mga independyenteng manananom sa Mindanao.
Ang ekonomiya sa rehiyon sa Davao gibutang sa dakong kakuyaw tungod sa kawalay puangod ug pagka-ignorante sa mga magbabalaod gikan sa ubang probinsya ug ang HnP nahimo na nga gamhanang pwersa politikal aron babagan ang kadudahan nga alyansa politikal sa mga tawong taga gawas nga tuyo sabotahion ang pinakapiskay nga ekonomiya sa rehiyon nga nag-una sa tibuok nasud. “Ayaw kog hagita”, pintok nga pulong ni Mayor Inday Sara, pangulo sa HnP.
Ninglanoglanog ang maong mensahe sa tanang suok ug kanto sa nasud ug ningdasig sa mga lideres nga politikal nga gusto og tininuod nga kausaban ilawom sa gobyerno ni Pres. Rodrigo R. Duterte. Hilom ang mga tunob sa mga lideres sa Luzon ug pipila gikan sa Visayas nga gustong makigkita, makiglambigit ug makighiusa sa mga lideres sa HnP. May gisulat ko bag-o pa lang gyud kaayo nga ang pagsubol sa mga lig-on nga organisasyong politikal sa mga rehiyon nagsugod na og hagit sa liderato sa Camara de Representante. Wa ko magdahom nga ingon niini kadali ug kapaspas.
Sa akong bahin, dako kaayo ang akong kasubo kay akong nakita ang pagkausik ug pagkasayang sa swerte sa duha sa politika. Higala nako kining duha ug saksi ko sa ilang mga saad nga magtinabangay para kang Duterte ug pipila ka kandidatong lokal. Klaro ang agenda: suportahan si Duterte ug ang iyang administrasyon. Napili nga Presidente si Duterte, si Tonyboy ug Bebot ningdaog pagka deputado sa ilang mga distrito. Ningtabang si Tonyboy kang Bebot panahon sa kampanya hangtud sa pagkapili niini nga speaker. Maong na-shock ko pagkadungog nako nga gipakasad-an ni Bebot ang iyang higala sa JVA sa Tadeco ug BUCOR ug gipasakaan og kaso sa Ombudsman. Kini nga JVA ninglungtad na og halos lima ka dekada ug ningbarog taliwala sa mga paghiling ug pag-ukay sa mga eksperto sa balaod.
Dako ang akong pagsalig sa liderato ni kanhi Pres. Gloria Macapagal Arroyo nga mogiya sa Kongreso aron makasuporta og maayo sa pagkab-ot sa mga tumong ni Presidente Duterte ug motabang sa pagpanday sa agenda sa ekonomiya sa Duterte administration, Apan gimingaw ko sa mga adlaw nga masadya ug mapagarbohon, sa panahon nga ang Presidente sa nasud, Presidente sa Senado ug Speaker sa Camara de Representante puros taga ato sa Mindanao. Sa laing bahin, mao kini ang banagbanag sa bag-ong kabuntagon kay si GMA usa sa mga kasaligan ug lig-on kaayong alyado ni Duterte. Mao ni ang sinugdanan sa Build, Build, Build program sa Presidente. Nagkinahanglan siya og ekonomista ug workaholic nga sama ni Gloria. (Jun Ledesma)
Alang kang Davao City Mayor Inday Sara Duterte-Carpio kadtong mga pulonga lawom kaayo og dulot ug kun ang iyang amahan wa mointerpriter niini nga insulto, ningsantop ni sa hunahuna sa babaeng Mayor nga dakong insulto. Gipalabay lang una ni sa Mayor. Sa dihang naningamot siya sa pag-organisa sa Hugpong ng Pagbabago, ningbuhi og mga pulong si Speaker Alvarez nga ang HnP usa ka partido sa oposisyon. Kini ang ningbali sa bukobuko sa kamelyo ug nahurot ang pasensya sa Mayor. Di mabangbang ang mga tubag sa anak sa presidente ug giklaro niya nga ang HnP mopadagan og kandidato sa sunod nga piniliay kontra sa Speaker didto sa iyang distrito.
Apan unsa man ang Hugpong ng Pagbabago ug ang tumong niini? Giorganisa ni aron sa pagkonsolida sa liderato politikal sa Rehiyon XI, aron sa pagharmonisa o pag-angay )sa mga plano sa kalamboan sa rehiyon ug pagpakusog sa iyang tingog ug hiniusang pwersa aron kolektibo kining mokabya og mga risorses ug proyekto gikan sa nasudnong kagamhanan padulong sa rehiyon. Usa sa mg katuyoan niini mao ang pag-apud-apud sa mga industriya ngadto sa nagkalainlaing lokalidad sa sulod sa rehiyon gawas sa Davao City aron malikayan ang sobra nga pagpunsisok sa populasyon ug industriya sa usa lang ka lugar. Sa laktod nga pagkasulti, ang mga lideres nga politikal ug mga tighan-ay og mga plano di gustong motagamtam sa urom nga mao ang grabe nga pagpunsisok sa katawhan sa Metro Manila. Ila nga gikuha si Architect Jun Palafox aron modesinyo ug usa ka dakong siyudad nga mosangkad sa entiro Rehiyon XI.
Mga dagkong personaheng politikal sa rehiyon ang mga miyembro sa HnP apan layo ra sa tinuod nga kini katahapan nga usa ka hut-ong sa oposisyong politikal. Kulang og kwentada o korto og utok ang maghunahuna niini. Ang nagpahimugso niini mao ang sunodsunod nga pagtrampas sa mga politikong gikan sa gawas sa rehiyon sa mga teritoryo sa distrito nga ang tuyo mao ang kompletong pagguba sa nagakadako nga industriya sa saging pinaagi sa pagdismantle sa biosecurity measures nga nagkontrolar sa gikahadlokan nga fusarium wilt.
Hinumdomi nga sila si Rep. Johnny Pimentel sa Surigao, Rep. Rey Umali sa Mindoro ug Deputy Speaker Gwen Garcia sa Cebu ang ningsabat, ningduyog ug ningtsuwariwariwap sa panawagan ni Speaker Alvarez nga idismantle ang mga quarantine station sa Tadeco banana plantation ug pag-imbestiga sa iregularidad kuno sa Joint Venture Agreement tali sa kompaniya sa saging sa mga Floirendo ug sa Bureau of Corrections. Giunhan sila sa Chief of Staff sa speaker, ang usa ka Edwin Hubahib, ug DPWH Engr. Noel Basanes, sa pagpangguba sa mga biosecurity gate nga kuno gimontar sa mga karsadang publiko.
Ang party list Representative nga si Ariel Casilao ningbale-wala sab sa mga warning sa Philippine Banana Growers and Exporters Association nga ang pagdismantle sa mga quarantine station malagmit maoy kawsa sa pagtakodtakod sa sakit nga Fusarium wilt, di lang sa Tadeco kundili sa tanang plantasyon sa saging sa Rehiyon XI. Ang Fusarium Wilt ginatawag sab og Panama disease, usa ka klase sa makadaut nga fungus nga nagapuyo sa yuta ug ninglampornas sa entiro industriya sa saging sa maong nasud. Ang PBGEA naghimo na og mga lakang nga pang-emergency aron mapugngan ang ataki sa maong sakit tungod kay ning-ataki na ni sa mga plantasyon sa Australia ug ubang silingang nasud ug ningtakod na ni sa kasagingan sa mga independyenteng manananom sa Mindanao.
Ang ekonomiya sa rehiyon sa Davao gibutang sa dakong kakuyaw tungod sa kawalay puangod ug pagka-ignorante sa mga magbabalaod gikan sa ubang probinsya ug ang HnP nahimo na nga gamhanang pwersa politikal aron babagan ang kadudahan nga alyansa politikal sa mga tawong taga gawas nga tuyo sabotahion ang pinakapiskay nga ekonomiya sa rehiyon nga nag-una sa tibuok nasud. “Ayaw kog hagita”, pintok nga pulong ni Mayor Inday Sara, pangulo sa HnP.
Ninglanoglanog ang maong mensahe sa tanang suok ug kanto sa nasud ug ningdasig sa mga lideres nga politikal nga gusto og tininuod nga kausaban ilawom sa gobyerno ni Pres. Rodrigo R. Duterte. Hilom ang mga tunob sa mga lideres sa Luzon ug pipila gikan sa Visayas nga gustong makigkita, makiglambigit ug makighiusa sa mga lideres sa HnP. May gisulat ko bag-o pa lang gyud kaayo nga ang pagsubol sa mga lig-on nga organisasyong politikal sa mga rehiyon nagsugod na og hagit sa liderato sa Camara de Representante. Wa ko magdahom nga ingon niini kadali ug kapaspas.
Sa akong bahin, dako kaayo ang akong kasubo kay akong nakita ang pagkausik ug pagkasayang sa swerte sa duha sa politika. Higala nako kining duha ug saksi ko sa ilang mga saad nga magtinabangay para kang Duterte ug pipila ka kandidatong lokal. Klaro ang agenda: suportahan si Duterte ug ang iyang administrasyon. Napili nga Presidente si Duterte, si Tonyboy ug Bebot ningdaog pagka deputado sa ilang mga distrito. Ningtabang si Tonyboy kang Bebot panahon sa kampanya hangtud sa pagkapili niini nga speaker. Maong na-shock ko pagkadungog nako nga gipakasad-an ni Bebot ang iyang higala sa JVA sa Tadeco ug BUCOR ug gipasakaan og kaso sa Ombudsman. Kini nga JVA ninglungtad na og halos lima ka dekada ug ningbarog taliwala sa mga paghiling ug pag-ukay sa mga eksperto sa balaod.
Dako ang akong pagsalig sa liderato ni kanhi Pres. Gloria Macapagal Arroyo nga mogiya sa Kongreso aron makasuporta og maayo sa pagkab-ot sa mga tumong ni Presidente Duterte ug motabang sa pagpanday sa agenda sa ekonomiya sa Duterte administration, Apan gimingaw ko sa mga adlaw nga masadya ug mapagarbohon, sa panahon nga ang Presidente sa nasud, Presidente sa Senado ug Speaker sa Camara de Representante puros taga ato sa Mindanao. Sa laing bahin, mao kini ang banagbanag sa bag-ong kabuntagon kay si GMA usa sa mga kasaligan ug lig-on kaayong alyado ni Duterte. Mao ni ang sinugdanan sa Build, Build, Build program sa Presidente. Nagkinahanglan siya og ekonomista ug workaholic nga sama ni Gloria. (Jun Ledesma)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read And Share Our News: https://www.mindanaoexaminer.com/
http://mindanaoexaminernewspaper.blogspot.com/
Digital Archives: https://issuu.com/mindanaoexaminernewspaper
See Media Rates: https://mindanaoexaminer.com/ad-rates/
No comments:
Post a Comment