KIDAPAWAN CITY - Patay na nang makarating sa ospital ang isang bagitong pulis habang sugatan naman ang kasamahan nito makaraang sundan habang naka-motorsiklo at saka niratrat ng mga armado sa Barangay Rosary Heights 10 sa Cotabato City nitong Linggo ng gabi lamang.
Kinilala ang nasawing biktima na si PO1 Ali Bago Mama, may asawa at taga-Barangay Sinulakay sa bayan ng President Quirino sa Sultan Kudarat. Sugatan naman si PO1 Jolace Alim Guiamad, 26, at taga -Datu Paglas, Maguindanao.
Ang mga biktima ay parehong naka-destino sa Cotabato Mobile Force Company ng lungsod. Batay sa inisyal na imbestigasyon ng pulisya, pasado alas-6:00 ng gabi ng maganap ang pamamaril.
Sinundan umano ng mga armadong nakasakay sa motorsiklo ang mga biktima at mabilis silang dinikitan at pinaputukan.
Nagtamo ng maraming tama ng bala sa katawan ang mga biktima dahilan upang masawi si PO1 Mama habang nasa maselang kondisyon naman si si PO1 Guiamad.
Inaalam pa ng mga otoridad ang mga posibleng motibo sa pamamaril sa dalawa at kung sino ang nasa likod ng naturang krimen. (Rhoderick Beñez)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Share Our News: https://www.mindanaoexaminer.com
Mirror Site: https://mindanaoexaminernewspaper.blogspot.com
Digital Archives: https://issuu.com/mindanaoexaminernewspaper
Media Rates: https://mindanaoexaminer.com/ad-rates
Thank you so much for visiting our website. Your small donation will ensure the continued operation of the Mindanao Examiner Regional Newspaper. Thank you again for supporting us. BPI: 952 5815649 Landbank: 195 113 9935
No comments:
Post a Comment