ZAMBOANGA DEL NORTE — Sa unang higayon, gipahigayon na usab ang Provincial Task Force to End Local Communist Armed Conflict (PTF-ELCAC) didto sa munisipyo sa Leon Postigo niadtong semana.
Kining maong kalihukan, gipadas-ug sa national ug provincial nga kagamhanan pinaagi sa Executive Order No. 70 ni Presidente Rodrigo Duterte alang sa malahutayong kalinaw ug sa pag mugna sa usa ka task force aron maundang na ang panagbangi o kasamok tali sa gobierno ug sa mga walhong grupo.
Uban niini, gipaabot usab ang mga nanag-unang serbisyo publiko. Gipang-apod apod ngadto sa mga mag-uuma ang libreng mga kabaw, manok, kanding ug uban pang mga hayop nga sarang ilang magamit sa pag-panguma sa ilang dugang kita.
Gihatagan usab sila sa mga libreng binhi, seedlings sa mga fruit trees, lubi ug mga vegetable seeds, fertilizers, eyeglasses, tsinelas, groceries, t-shirts, sports equipment, feeding (lugaw, pan ug ice candy) alang sa mga bata, gamit sa pagpanguma ug pamanday aron sa ingon nga makasugod na sila sa ilang kaugalingong negosyo ug pagpanarbaho.
Ingon man, gihatagan usab ug 50 ka mga toilet bowl alang sa duha ka barangay sa Tinuyop ug Santa Maria. Miapod-apod usab og 10,000 tilapia fingerlings ang Bureau of Fisheries and Aquatic Resources.
Laing libreng legal services usab ang gipaambit ngadto sa mga katawhan ilabina sa mga adunay problema kabahin sa ilang yuta ug uban pang nagkalain-laing problema nga nanginahanglan sa legal nga pagtagad.
Wala usab nagmakuli sa pagpadala ni Gob. Roberto Uy (GBU) sa iyang programang “Gasang Bahandianon sa Umahan” kon GBU aron paspas ang pagpa-implementar sa programang pag-agrikultura ilabina sa mga luna nga dugay na nga wala natikad.
Si Rico Tabada, Interior officer sa Leon Postigo, mibutyag nga “ang gobierno karon nagatutok na sa atong kahimtang. Gani, usa niini ang pagtrabaho na ug pagsemento sa dalan gikan sa highway sa Brgy. Delusom paingon ngadto sa katapusang barangay sa Nasibac. Busa iyang gi-awhag niya ang mga mag-uuma nga karon pa lang pananum na kamo tungod kay sa panahon na nga mahuman ang kalsada dili na kamo maglisod sa pagtumod sa inyong abot ngadto sa kamerkadohan.”
Pinaagi niining PTF-ELCAC nga gipadangat sa mga kabarangayan, naghinay-hinay na usab ug pagsabot sa mga katawhan nga aduna diay gobierno nga andam nga maminaw sa ilang mga mulo ug problema.
Gani, niadtong Enero 30, adunay 21 ka mga miembro sa New People’s Army ang mitahan na sa gobierno tungod sa ilang kadasig ug kompyansa nga matabangan sila kon unsaon pagsugod sa pag-bag-o sa ilang kinabuhi.
Diha sa gipahigayong programa, gihatagan ang matag usa sa 21 ka mga former rebels ug pasiunang cash assistance nga mibalor sa tag P20,000 gikan sa Provincial Social Welfare and Development Office pinaagi kang Gob. Uy ug laing P65,000 ang ilang mapaabot nga ayuda gikan programang Enhanced Comprehensive Local Integration Program (E-CLIP) sa national government alang sa ilang livelihood assistance ug laing cash usab bugti sa mga armas nga ilang ma-surrender uban kanila.
Niadtong tungura, nakadawat usab ug tag P65,000 ang laing 4 ka mga former rebels nga una nang mi-surrender. Gikalipay usab kini sa mga ginikanan sa mga former rebels tungod kay natuldukan na ang ilang mga kabalaka ug kahadlok kon unsay mahitabo sa ilang mga sa dihang atua pa kini sa bukid.
“Ako nagpasalamat sa Ginoo nga sa pila ka tuig nakong inantus sa problema gidungog ra jud nga unta malamdagan ang imong panghunahuna kay adlaw ug gabii dili ako mahiluna” mao kini ang pasabot sa inahan ngadto sa iyang anak nga ni “May”, usa sa 21 ka mga miembro sa sa New People Army nga bag-o lang mitahan sa sabakan sa balaud niadtong Enero 30, sa dihang nahatagan usab kini sa higayon nga maka estorya uban sa iyang anak nga nagsaysay kon unsa kapait ang ilang gidangatan atubangan sa mga katawhan.
Matud pa ni May, lumad nga taga Barangay Tinuyop, “Miapil siya sa kahugpongan sa mga walhong grupo niadtong bulan sa Marso 2017. Dili tiaw ang iyang kinabuhi sa bukid. Kagutom ug kakapoy ang iyang nasinati mao nga minaug siya. Dili usab diay tinood nga ang mga military abusado tungod kay diha sa iyang pag-surrender, wala man gani siya nakatilaw og kusi hinoon gi-ayo siya pagdala, ug gipakaon og tarong”.
Laing mipadayag usab mao si Nestor nga lima usab siya ka tuig nga nagbaktas-baktas sa bukid diin parehas usab kang May ang iyang natagamtaman. Gani, adunay pa syay igsoon, mga ig-agaw ug mga kaparyentehan nga atua pa sa bukid diin iyang gipanawagan usab nga mokanaug na unta sila ug mobalik sa sabakan sa balaud kay matud pa niya nga walay tumong ug kaugmaon diha sa ilang grupo.
Ang maong misyon gipangunahan sa kagamhanang provincial government, inabagan usab sa 102nd Infantry Brigade ug 97th Infantry Battalion aron mahatud ang mga nag-unang serbisyo publiko alang sa mga katawhan sa maong barangay.
Miayuda usab ang mga nagkalain-laing ahensya sa gobierno ilabina sa Department of Interior and Local Government nga gipanguluhan mismo ni Regional Director Paisal Abutazil; Provincial Police Office nga gipanguluhan ni Col. Ronald Briones; Technical Education and Skills Development Authority, Department of Environment and Natural Resources, Office of the Provincial Agriculturist, Provincial Health Office, Provincial Social Welfare and Development Office, Provincial Technology and Livelihood Center, Provincial Legal Office, Bureau of Fisheries and Aquatic Resources ug uban pa.
Sa katapusan, nagpasalamat kaayo ug dako si Baramgay Tinuyop Kapitan Junie de la Cruz tungod kay wala gayud hikalimti sa gobierno ilabina kang Gob. Uy ang ilang barangay sa mga grasya nga ilang nadawat niadtong adlawa. (PIC-SBA)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
Kining maong kalihukan, gipadas-ug sa national ug provincial nga kagamhanan pinaagi sa Executive Order No. 70 ni Presidente Rodrigo Duterte alang sa malahutayong kalinaw ug sa pag mugna sa usa ka task force aron maundang na ang panagbangi o kasamok tali sa gobierno ug sa mga walhong grupo.
Uban niini, gipaabot usab ang mga nanag-unang serbisyo publiko. Gipang-apod apod ngadto sa mga mag-uuma ang libreng mga kabaw, manok, kanding ug uban pang mga hayop nga sarang ilang magamit sa pag-panguma sa ilang dugang kita.
Gihatagan usab sila sa mga libreng binhi, seedlings sa mga fruit trees, lubi ug mga vegetable seeds, fertilizers, eyeglasses, tsinelas, groceries, t-shirts, sports equipment, feeding (lugaw, pan ug ice candy) alang sa mga bata, gamit sa pagpanguma ug pamanday aron sa ingon nga makasugod na sila sa ilang kaugalingong negosyo ug pagpanarbaho.
Ingon man, gihatagan usab ug 50 ka mga toilet bowl alang sa duha ka barangay sa Tinuyop ug Santa Maria. Miapod-apod usab og 10,000 tilapia fingerlings ang Bureau of Fisheries and Aquatic Resources.
Laing libreng legal services usab ang gipaambit ngadto sa mga katawhan ilabina sa mga adunay problema kabahin sa ilang yuta ug uban pang nagkalain-laing problema nga nanginahanglan sa legal nga pagtagad.
 |
| Si Gob. Roberto Uy ug mga opisyal sa "Bayanihan Outreach Program" sa Leon Postigo. |
Si Rico Tabada, Interior officer sa Leon Postigo, mibutyag nga “ang gobierno karon nagatutok na sa atong kahimtang. Gani, usa niini ang pagtrabaho na ug pagsemento sa dalan gikan sa highway sa Brgy. Delusom paingon ngadto sa katapusang barangay sa Nasibac. Busa iyang gi-awhag niya ang mga mag-uuma nga karon pa lang pananum na kamo tungod kay sa panahon na nga mahuman ang kalsada dili na kamo maglisod sa pagtumod sa inyong abot ngadto sa kamerkadohan.”
Pinaagi niining PTF-ELCAC nga gipadangat sa mga kabarangayan, naghinay-hinay na usab ug pagsabot sa mga katawhan nga aduna diay gobierno nga andam nga maminaw sa ilang mga mulo ug problema.
Gani, niadtong Enero 30, adunay 21 ka mga miembro sa New People’s Army ang mitahan na sa gobierno tungod sa ilang kadasig ug kompyansa nga matabangan sila kon unsaon pagsugod sa pag-bag-o sa ilang kinabuhi.
Diha sa gipahigayong programa, gihatagan ang matag usa sa 21 ka mga former rebels ug pasiunang cash assistance nga mibalor sa tag P20,000 gikan sa Provincial Social Welfare and Development Office pinaagi kang Gob. Uy ug laing P65,000 ang ilang mapaabot nga ayuda gikan programang Enhanced Comprehensive Local Integration Program (E-CLIP) sa national government alang sa ilang livelihood assistance ug laing cash usab bugti sa mga armas nga ilang ma-surrender uban kanila.
Niadtong tungura, nakadawat usab ug tag P65,000 ang laing 4 ka mga former rebels nga una nang mi-surrender. Gikalipay usab kini sa mga ginikanan sa mga former rebels tungod kay natuldukan na ang ilang mga kabalaka ug kahadlok kon unsay mahitabo sa ilang mga sa dihang atua pa kini sa bukid.
“Ako nagpasalamat sa Ginoo nga sa pila ka tuig nakong inantus sa problema gidungog ra jud nga unta malamdagan ang imong panghunahuna kay adlaw ug gabii dili ako mahiluna” mao kini ang pasabot sa inahan ngadto sa iyang anak nga ni “May”, usa sa 21 ka mga miembro sa sa New People Army nga bag-o lang mitahan sa sabakan sa balaud niadtong Enero 30, sa dihang nahatagan usab kini sa higayon nga maka estorya uban sa iyang anak nga nagsaysay kon unsa kapait ang ilang gidangatan atubangan sa mga katawhan.
Matud pa ni May, lumad nga taga Barangay Tinuyop, “Miapil siya sa kahugpongan sa mga walhong grupo niadtong bulan sa Marso 2017. Dili tiaw ang iyang kinabuhi sa bukid. Kagutom ug kakapoy ang iyang nasinati mao nga minaug siya. Dili usab diay tinood nga ang mga military abusado tungod kay diha sa iyang pag-surrender, wala man gani siya nakatilaw og kusi hinoon gi-ayo siya pagdala, ug gipakaon og tarong”.
Laing mipadayag usab mao si Nestor nga lima usab siya ka tuig nga nagbaktas-baktas sa bukid diin parehas usab kang May ang iyang natagamtaman. Gani, adunay pa syay igsoon, mga ig-agaw ug mga kaparyentehan nga atua pa sa bukid diin iyang gipanawagan usab nga mokanaug na unta sila ug mobalik sa sabakan sa balaud kay matud pa niya nga walay tumong ug kaugmaon diha sa ilang grupo.
Ang maong misyon gipangunahan sa kagamhanang provincial government, inabagan usab sa 102nd Infantry Brigade ug 97th Infantry Battalion aron mahatud ang mga nag-unang serbisyo publiko alang sa mga katawhan sa maong barangay.
Miayuda usab ang mga nagkalain-laing ahensya sa gobierno ilabina sa Department of Interior and Local Government nga gipanguluhan mismo ni Regional Director Paisal Abutazil; Provincial Police Office nga gipanguluhan ni Col. Ronald Briones; Technical Education and Skills Development Authority, Department of Environment and Natural Resources, Office of the Provincial Agriculturist, Provincial Health Office, Provincial Social Welfare and Development Office, Provincial Technology and Livelihood Center, Provincial Legal Office, Bureau of Fisheries and Aquatic Resources ug uban pa.
Sa katapusan, nagpasalamat kaayo ug dako si Baramgay Tinuyop Kapitan Junie de la Cruz tungod kay wala gayud hikalimti sa gobierno ilabina kang Gob. Uy ang ilang barangay sa mga grasya nga ilang nadawat niadtong adlawa. (PIC-SBA)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment