DALING GIPAGAMIT ni Gobernador Bambi Emano ang duha ka coaster sa kapitolyo probinsiyal alang sa paghatud-kuha sa mga medical attendants padulong sa balay-tambalanan o kaha sa Laguindingan airport sugod karong adlawa, Marso 16, 2020.
Kini, aron masiguro nga modangat gayud sila sa ilang padulngan bisan pa tuod balibaran sa de pasaherong salakyan.
Midangat sa buhatan sa gobernador nga daw mga nurses ug doctors nga buot mosakay og de pasaherong jeepney, motorela ug bus, gibalibaran tungod sa kahadlok nga makatakod sa sakit nga dala sa Coronavirus Disease 2019 (COVID-19), hilabina kon makasuot sa unipormeng pang-ospital.
Nakasabot si Gobernador Emano sa kahadlok sa publiko kalabot na sa pagtakboy sa COVID-19, lakip ang driver nga misantop pa gayud sa diskriminasyon sa mga medical people, mao nga gitanyag niini ang coaster sa kapitolyo.
“I don’t know if it’s true. But I heard because there’s a lot of true and false news, that some of the doctors and nurses are having a hard time going home, because pagnakasul-ob silag uniporme halos di kuno sila pasakyon sa taxi, motorela ug gina-discriminate sila. Atty Jeffrey Saclot offered already our coaster to the passengers in Laguindingan. Wala naman tay tourism programs, so we will offer our two coaters as service vehicle to our nurses and doctors at NMMC. That’s the best that I could offer as of now,” segun pa sa Gobernador atol sa hamubo kaayo nga programa sa sinemanang pagpakayab sa nasudnong bandila sa kapitolyo, Lunes, Marso 16, 2020.
No comments:
Post a Comment