Zamboangueña Covid patient sa Dipolog City, mipauli na!

DIPOLOG CITY - Human sa siyam ka adlaw nga isolation didto sa Dipolog Sports Complex, nigawas na sa maong isolation facility si Covid-19 Patient 002 karung adlawa, July 2 sa kabuntagon ug mipauli ngadto sa Zamboanga City sakay ang ambulansya sa Zamboanga del Norte Medical Center.

Zamboangueña Covid patient. (Dipolog CIO) 

Kahibaloan subay sa migawas nga resulta sa gihimong re-swab sa Covid-19 testing ngadto ni Patient 002 nga nagpatambal didto sa Corazon C. Aquino Hospital (CCAH), nag negatibo na kini sa virus nga nasayran kaniadtong June 20. 

Gisunod gilayon ang pag-isolate kaniya didto sa Dipolog Sports Complex sa Barangay Olingan.

Nasayran nga si Patient 002 ang nagpabiling himsog, maayo ang panlawas ug asymptomatic human nasayran nga nag negatibo sa sakit nga Covid-19 hangtud siya gi-isolate didto sa nasangpit nga dapit.

Atol sa iyang pag-uli, mapasalamaton si Patient 002 sa gipakitang maayong pag-atiman sa mga doctors ug nurses nga nagmonitor didto sa Dipolog Sports Complex sa Barangay Olingan tungod sa kalipay nga naulian na siya ug nakauli na. (CIO. GOM)

Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates