HINIHIKAYAT NG Department of the Interior and Local Government (DILG) ang lahat ng mga local governments (LGUs), mga establisimyento, at ang publiko na gamitin ang pinabuting Staysafe.Ph digital contract tracing system upang mapigilan ang pagkalat ng Covid-19.
Sinabi ni DILG Undersecretary at Spokesperson Jonathan Malaya na ang Stay
Safe.ph system na pinangungunahan ng pamayanan, pinagrereportan ng kalagayang
pangakalusugan at nagsusulong ng social diatancing ay lalong pinagbuti ng
National Task Force Covid-19 at nananatiling nag-iisang aprubadong national
digital contract tracing system ng Inter-Agency Task Force on
Emerging Infectious Diseases.
Binuo sa pamamagitan ng pakikipagtulungan ng
Inter-Agency Task Force at MultiSys Technology Corporation (MultiSys), ang
StaySafe app ay nagsisilbing multi-purpose tool na tumutulong sa pagpapabuti ng
kalagayan ng Covid sa bansa.
“Ang bago at pinagandang StaySafe app ay maaaring gamitin ng mga LGUs sa
pag-access sa heat map, contact tracer enrollment at deputization, at cognitive
contact tracing. Puwede din itong magamit sa mga QR Code na sinasagutan bago
makapasok sa building o establisimyento,” ani Malaya.
Ang naturang app ay puwedeng magamit ng mga business establishments o offices
para makagawa ng kakaibang QR code at gamitin ang digital logbook system para
maka-iwas sa mga maraming contract tracing forms at dokumento.
“Ang paggamit ng app na ito katulad ng sistema sa ibang bansa kagaya ng
Singapore, South Korea, at China na naging positibo ang contract tracing efforts
sa kanilang bansa,” dagdag ng opisyal.
Sa Memorandum Circular 2020-129 ni Secretary Eduardo M. Año, hinihikayat ng
DILG ang lahat ng mga LGUs, business establishments, at general public na
gamitin ang sistema sa pamamagitan ng website www.staysafe.ph o pag-download ng
application sa Google Play.
“Habang ang ibang LGUs ay nakagawa na ng kanilang digital contact tracing
system, ito ay magagamit lamang sa kanilang territorial boundaries habang ang
Stay Safe ay maaaring gamitin sa buong bansa,” ayon kay Malaya.
Ang pinagbuting StaySafe app ay may built-in Bluetooth signal na mayroong
contact features sa ibang app users at merong area scanning feature na maging
alerto sa mga katabing users na may Covid- symptons.
Meron din itong QR codes na pwedeng magamit ng mga LGUs upang makapag-palabas
ng public advisories at announcements. Ang GPS function ay pwede ding gamitin
ng mga contact tracers.
Ilan sa mga malalaking kompanya sa bansa ang gumagamit na nitong app tulad ng
SM Supermalls, Jollibee Foods Corp., Robinsons Malls, at Angkas.
Siniguro din ni Malaya sa publiko na walang surveillance sa lahat ng app
downloads at ito ay ginagamit lang sa monitoring ng suspected o confirmed Covid-19
patients at ang National Privacy Commission ay nasuri na ang safety features
nito upang maprotektahan ang privacy ng mga tao.
"Ang tanging gamit lamang ng StaySafe app ay para mapabilis at maging mas
epektibo ang contract tracing efforts ng ating bansa. Kailanman ay wala pong
surveillance at malayang makakagalaw ang sinumang magdownload ng app na ito
maliban na lamang kung sila ay nagpositibo sa Covid-19 kung saan sila ay
ilalagay sa mga isolation o health facilities para mabigyan ng karampatang
atensiyong medikal," wika ni Malaya.
Sinabi nito na ang lahat ng data ay nasa kontrol ng Department of Health bilang
designated personal information controller at maaaring ma-access lamang ng
contact tracers. (Zamboanga Post)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment