GIKUMPIRMA sa Bureau of Fisheries and Aquatic Resources s Misamis Occidental nga usa ka red tide ang hinungdan sa pagkausab sa kolor sa tubig kadagatan sa Barangay San Roque ug Santa Cruz sa Ozamiz City ning milabay nga mga adlaw.
Sumala sa water samples nga gi-analisa, nakita ang presensya sa Gonyaulax, usa ka matang sa dinoflagellate algae. Ang maong mga red tide organisms nga nagpuyo sa tubig-dagat, tubig tab-ang og brackish water diin kini sila modaghan dala sa gitawag og favorable environmental conditions sama sa soil/water fertility, temperatura ug uban pa.
Dugang pa sa pagtuon, pipila sa maong mga planktonic species ang makahilo ug sa ilang gidaghanon, kaya nilang usbon ang kolor sa tubig, hinungdan sa red tide phenomenon nga pwedeng mopatay sa mga isda ug laing marine animals.
Pwede usab mahilo ang tawo kung mokaon og kinhason nga nakontamina og daghang Gonyaulax catenella.
Apan, gipaklaro sa BFAR nga padayon pa nilang gitun-an ang maong pagtumaw sa bag-ong klase sa specie sa kadagatan. Nakigkutay na sila sa city government aron idili usa ang pagpanguha, pagbaligya ug pagkaon sa kinhason sa maong dapit isip precautionary measures.
Nagpadala na og shellfish samples ang BFAR sa central office alang sa gitawag og bio-essay analysis ug sa pagkakaron, wala pay gikatahong fish kill o shellfish poisoning sa maong lugar. (PIA)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment