PAGADIAN CITY – Gibakwi na ang mga striktong lakang batok sa Covid-19 sa Zamboanga del Sur subay sa gipagawas nga Executive Order ni Governor Victor Yu nga mitakdo sa guidelines nga gihisgotan sa IATF Resolution No. 101.
 |
| Zamboanga del Sur Governor Victor Yu |
Sumala sa Executive Order No. 05, dili na kinahanglan ang mga dokumento sama sa travel authority, medical certificate, barangay acceptance ug negative RT-PCR test sa pagbiyahe sa tanang pantalan ug airport pasulod sa Zamboanga del Sur.
Base usab sa maong kamanduan nga dunay pagbulot-an o discretion ang City ug Municipal LGU nga ipailawom ang ilang mga guest ug traveler sa RT-PCR test o Antigen Test sa ilang pag-abot. Dili na usab moagi og quarantine ang mga mouli sa probinsya gawas na lamang kung duna kini sintomas o symptomatic.
Apan bisan pa man nga giluagan na ang travel protocols sa lalawigan, gipaklaro sa EO nga gikinahanglan gihapon ang pagsunod sa minimum public Health Standards sama sa pagsuot sa face mask ug face shield, pag-obserbar sa social distancing, paghugas sa kamot, paggamit ug alcohol o sanitizers ug pagkuha og body temperature.
Ang maong mga precautionary measures kinahanglang ipatuman sa mga pampublikong lugar, mga government ug private establishments, opisina, shops, tindahan, simbahan ug terminals. Gipatas-an sa bag-ong executive order ang operation capacity sa mga establisyemento ug negosyo sa Zamboanga del Sur.
Giisa ngadto sa 75% seating capacity ang mga mass gathering o bisan unsang klase sa panagtigum.
Gitugotan na nga mag-operate ngadto sa 75% venue capacity ang mga hotel ug beach resorts uban ang striktong pag-obserbar sa health safety protocols ug mga kamanduan sa Department of Tourism apan pinaagi gihapon sa booking reservation ug bawal ang walk-in clients.
Lakip sa mga gitugotan nga mag-operate sa 75% operating capacity ang mga dine-in services sama sa restaurants, carenderia, ug food stands. Apan ang mga beer houses, night clubs, videoke ug uban pang lugar-kalingawan magpabilin nga mag-operate sa 50% seating capacity.
Nagpabilin pa ang curfew sa Pagadian City nga alas-12 sa tungang gabie ug alas-11 sa gabie alang sa mga lungsod. (Victory Zamboanga del Sur)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment