IPINAG-UTOS ni Pangulong Duterte sa awtoridad na dakpin ang lahat ng mga hindi gumagamit o maling paglalagay ng face mask at face shield.
Ito ang kinumpirma ni Presidential Spokesman Harry Roque at
sinabing: “Ang mensahe ng Presidente ay
kinakailangang ipatupad ang minimum health standards kasama po yung tamang
pagsuot, hindi lang po ng face mask, kundi pati rin po yung face shield.”
Bukod sa tamang pagsusuot ng face mask at face shield, dapat rin sundin
ng mga mamamayan ang mga kautusan ng national at local governments upang
masugpo o mapigilan ang pagkalat ng Covid-19, kasama na ang pagpapatupad ng curfew
hours.
Sinabi pa ni Roque na ang kautusan ni Duterte ay nakabase sa mga lokal
na ordinansa o batas. At kung walang ordinansya ukol dito ay maaring ikulong ng
pulisya ang mga lumabag sa health protocols sa loob ng 12 oras at pakawalan
kung walang kaso laban sa kanila.
“Arresting violators will be based on local ordinances or a law. In the
absence of such ordinances, Roque said that violators will be detained only for
a maximum of 12 hours and will be released if no charges have been filed, as
stated in the Revised Penal Code,” ani Roque na tagapagsalita rin ng Inter-Agency
Task Force on the Management of Emerging Infectious Diseases ng pamahalaan.
“Ang mensahe po ng Presidente sa ating kapulisan at sa taong bayan, para
po sa ating kapakanan ang pagsunod sa minimum health standards at ipapatupad
lang po natin yan dahil sa panahon ng pandemya, kinakailangan po sumunod ang
lahat lalong-lalo na po sa pagsusuot ng face mask at ng face shield,” dagdag pa
ni Roque.
Nilinaw rin nito na ang paghuli sa mga health protocol violators ay
hindi maituturing kaparusahan. “Apprehending the violators of the minimum
health standards is not a punishment in itself. Bago mo mapagawa sila ng
community service kailangan ma-apprehend mo muna sila, and that’s what the
President says, i-apprehend yung mga lumalabag sa minimum health standards,”
paliwanag pa ni Roque.
“The police have the authority to apprehend if they themselves saw or
witnessed the violation to a law or an ordinance. Ang paglabag sa ating minimum
health protocols, dahil mayroon tayong ordinansang nagpapatupad niyan, ay
nagbibigay daan para nga magkaroon ng outright apprehension, warrantless arrest
dahil a crime was committed in the presence, and with a full personal knowledge
of, a police officer,” wika nito. (With additional reporting from Mindanao
Examiner.)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment