BUKAS NA alang sa mga fully vaccinated o nakakompleto sa 2nd dose ang mokabat 36 ka mga probinsya sa tibuok nasud ang wala na magkinahanglan sa negatibo nga resulta sa RT-PCR o Antigen test.
Nasayran nga ang mga probinsya mao ang Benguet, Baguio City, Ifugao, Pangasinan. Nueva Vizcaya, Nueva Ecija, Isabela-Cagayan Valley, Bulacan, Pampanga, Tarlac, Batangas, Cavite, Laguna, Quezon, Rizal, Occidental Mindoro, Oriental Mindoro, Romblon, Masbate, Antique, Ilo-Ilo, Capiz-Roxas City, Guimaras, Negros Occidental-Bacolod, Bohol, Cebu, Leyte, Southern Leyte, Samar-Catbalogan, Misamis Oriental-Cagayan de Oro, Davao Oriental-Mati, Maguindanao-Cotabato City, Agusan del Norte, Agusan del Sur, Surigao del Sur, Lanao del Norte, ug Pagadian City sa Zamboanga del Sur.
Tumong sa maong pagbukas sa mga byahero aron usab matabangan ang mga probinsya diha sa pagbangon ug pagpalagsik sa turismo nga nalugmok sulod sa kapin usa ka tuig.
Hinuan, adunay nagpabilin gihapon nga mga dapit nga kasamtangan nga ilawomsa Enhanced Community Quarantine ug Modified Enhanced Community Quarantine.
Pipila usab ka mga probinsya sa nasud ang dili pa magdawat ug mga turista nga nagagikan sa "High Risk Areas" nga deklarado sa National Inter-Agency Task Force ingon man pipila usab ang nagkihanglan gihapon sa mga rekisitos sa pagbyahe sama sa medical certificate, S-PASS ug proof of hotel booking.
Samtang ang probinsya sa Zamboanga del Norte naningkamot usab nga makab-ot ang herd immunity diha sa mga mabakunahan nga adunay target nga kapin sa 324 mil ka mga katawhan diin anaa na karun sa 31.5% o 102,212 ang mga fully vaccinated diin ilawom na usab sa General Community Quarantine ang lalawigan sugod Nobyembre 1 kutob petsa 30 sulod niining bulana. (Chai/OneTV Philippines)
