Suporta kay ‘Congresswoman’ Beng Climaco, umaapaw!

PATULOY NA lumulobo ang suporta ng publiko kay Mayor Beng Climaco na muling tatakbo bilang kongresista sa District 1 sa susunod na halalan.

Nasa ikatlo at huling termino na si Climaco at sa loob ng kanyang panunungkulan ay marami itong nagawang pagbabago sa Zamboanga City kung ihahambing sa mga nakaraang administrasyon.

Kaliwa’t-kanan ang mga proyekto ng administrasyong Climaco sa ilalim ng programang S.H.E. o ang “Security, Health at Education” na siyang prayoridad nito. Sa kanyang panunungkulan ay nabawasan ng husto ang mga krimen at nabigyan ng malaking halaga ang kalusugan ng mga mamamayan at seguridad ng lungsod at dumami ang mga negosyo.

Maging ang Pangulong Duterte at ang Department of the Interior and Local Government at iba pang mga ahensya ng pamahalaan ay kinilala at binigyan ng parangal si Climaco bilang pagkilala sa kanyang maayos na panunungkulan at serbisyo sa Zamboanga.

Maging ang mga black propaganda at fake news na ikinakalat ng ilang mga grupo laban kay Climaco upang ito ay siraan ay hindi rin umubra dahil sa mataas na suporta at malaking tiwala sa kanya ng mga Zamboangueños.

At dahil sa mga kasinungalingan na ibinabato kay Climaco ay lalo pang tumaas ang bilang ng mga supporters at followers nito sa kanyang Facebook page na ngayon ay nasa halos 375,000 na. Mas malaki kahit pa pagsamahin ang mga Facebook pages ng mga pulitikong sina Celso Lobregat at Mannix Dalipe na ngayon ay parehong tumatakbo bilang mayor.

Si Climaco ay nanilbihan bilang councilor mula 1998-2004; vice mayor mula 2004-2007; at congresswoman ng Zamboanga mula 2007-2010 at 2010-2013, bago pa man naging mayor noong 2013. Wala pa itong talo sa eleksyon dahil sa taglay na kagalingan at sinseridad sa serbisyo at kung tatakbo ito bilang congresswoman ay siguradong mananalo itong muli.

Ang beteranong si Lobregat ay tinalo ni Climaco noong nakaraang halalan. Tanging si Climaco lamang ang nakatalo kay Lobregat mula ng ito ay naging pulitiko – mayor at congressman ng ilang beses.

Suportado rin ni Vice Mayor Meng Agan ang kandidatura ni Climaco. Si Agan ay tumatakbo rin bilang mayor sa Zamboanga. Ikinatuwa naman ng mga taga-sunod ni Climaco ang desisyon ni Agan na suportahan si Climaco. Todo naman ang pasasalamat ni Climaco kay Agan at sa grupo nito.

Sinigurado naman ni Climaco na ipagpapatuloy nito at lalong pagtitibayin sa Kongreso ang kanyang mga nasimulan.

Matatag pa rin ang Team Climaco, ayon sa mayor at mananatili umanong prayoridad ang serbisyo sa publiko. “Team Climaco remains strong, united and committed to continue to work hard in this pandemic- to heal the sick and feed the hungry - na favor de Dios continua dale curada, comida y busca vida na tiempo de pandemia. Ciudad antes de todo!” (Zamboanga Post)