Duterte, walang sasantuhin!

NANAWAGAN SI Pangulong Rodrigo Duterte sa publiko na lumantad ang sinumang may akusasyon ng korapsyon sa pamahalaan upang masampahan ng kaso ang sinumang mapapatunayang nagkasala sa batas.

Sinabi ni Duterte na wala itong sasantuhin kahit sino sa kanyang pamahalaan dahil salapi umano ng tao ang ginagastos ng gobyerno para sa bayan.

 

“Sapat ninyong malaman, as I have said, government is run by the money of the people, taxes, and we would like you to know and to ask even kung paano nagastos ang pera ng bayan at anong pinaggastusan. Iyon ang importante iyong hindi kayo nagdududa na ninanakaw ‘yung pera ninyo. Gusto namin na kung may duda man kayo, eh ‘di tanungin ninyo and we will give you a straight answer,” ani Duterte.

 

“Hindi na kami magpaligoy-ligoy, diretso. But if you have the evidence, the better. Bigyan mo Xerox copy kami dito, ‘yung original taguin ninyo, and if you think that there is a good case to prosecute, I’ll leave it up to you to decide kung saan ninyo gustong i-file. Pero ako pagkaganoon taga-gobyerno, lalo na nandito sa mataas papunta sa akin,

diretso na kayo sa Ombudsman para mas madali at malaman ang totoo,” dagdag pa nito.

 

Naunang inakusahan ni Senador Richard Gordon, ang chairman ng Blue Ribbon Committee, na siyang nag-imbestiga sa diumano’y overpriced procurement ng mga personal protective equipment ng Duterte administration sa Pharmally Pharmaceutical Corporation.

 

“Di pa ba natin nakikita itong laro nitong presidenteng ito? Ibang klase, no nation deserves him. No nation deserves him because nagtiwala ang tao and he betrayed the trust of the people,” sabi pa ni Gordon.

 

Ilang beses na itinanggi ni Duterte ang akusasyon ni Gordon at ipinagtanggol pa nito ang Pharmally.

 

Dahil sa pahayag ni Gordon, inutusan ni Duterte ang kanyang Chief Presidential Legal Counsel na si Salvador Panelo na kasuhan at huwag tatantanan si Gordon at. “Dikitan ninyo 'yung mga kaso ni Gordon hanggang election, hindi mananalo si Gordon. Sigurado 'yan. Especially if you can file the proper case on time,” ani Duterte.

 

Kabilang sa mga di-umano’y kasong isasampa sa senador ay ang disallowance ng Commission on Audit ng si Gordon ay chairman pa ng Subic Bay Metropolitan Authority mula 1992-1998, at maging ang Priority Development Assistance Fund ni Gordon noon ay kinuwestyun rin ni Duterte.

 

“Disallowance is when the notice of disallowance is simply you return the money, but the other side of the picture is that you have committed because you malverse the money, you can go to prison so the other side of that is really malversation. Dikitan ninyo 'yan at hindi aabot ng election time 'yan si Gordon. And if the entire story is narrated to the people, then I am sure that mata sa mata, parang ganoon. So, it is not good to be, mas maganda man ‘yang palabas mo sa publiko na (ma)tigas ka, marunong ka, and that you are very proficient in the English language,” wika pa ni Duterte.

 

Ilang beses ng binatikos at ininsulto at minura ni Duterte si Gordon dahil sa imbestigasyon nito sa Pharmally, ngunit hindi naman nagpapatinag ang senador at tinawag pa nitong “cheap politician” ang Pangulo.

 

Sinabi ni Gordon na hindi ito natatakot kay Duterte at hindi rin titigil sa kanyang imbestigasyon. Suportado ng mga ibang senador si Gordon. (Mindanao Examiner)