Bukidnon Culture and Arts gipasundayag atol sa Madagaya Trade Fair

BUKIDNON - Gipasundayag ang Culture and Arts sa Bukidnon atol sa gipahigayong ‘Madagaya Trade Fair’ sa provincial government ug pinaagi sa Provincial Tourism Division, sa pakigtimbayayong sa Department of Trade and Industry sugod ning milabay’ng Marso hangtud Abril sa Robinson’s Place sa Valencia City.

Nahimo kining kahigayonan nga mapasundayag ug maila ang mga mga de-kalidad nga lokal nga produkto sa Bukidnon nga mao ang gi-display nga ginama sa mga Micro, Small, and Medium Enterprises nga misalmot gikan sa local governments ning probinsya.

Ang mga lokal nga produkto naglakip sa coffee-based products, pineapple-based products, cacao-based products, wearable, homestyle and crafts, ug uban pang mga produkto nga pinasahi ug wala sa ubang lugar.

Nakuha sa syudad sa Malaybalay ang special award alang sa “Best-Selling Booth,” samtang nakuha usab sa syudad sa Valencia ang “Best Dressed Booth: nga midawat sa usa ka plaque ug certificate.

Mikabat sa 14 ka mga local governments ang misalmot nga mao ang mga mosunod: syudad sa Malaybalay ug Valencia, mga lungsod sa Impasug-ong, Maramag, Cabanglasan, Kadingilan, Quezon, Talakag, Libona, Don Carlos, Kibawe, Pangantucan, Manolo Fortich ug San Fernando, nga mihimo usab ug pasundayag sa nagkadaiyang sayaw nga gi-umol sa pito ka mga tribo sa probinsya. (Mindanao Examiner, Bukidnon PIO)