FB MINEX FB MINEX FB MINEX Twitter Minex ISSUU Minex Press Reader Minex YouTube Minex

Saturday, May 27, 2023

Gov. ‘Nanay Nene’ gipasalamatan ang Sangguniang Panlalawigan

DIPOLOG CITY - Gidayeg ug gipasalamatan sa kagamahanang probinsyal sa liderato ni Governor Rosalina “Nanay Nene” Jalosjos ang Sangguniang Panlalawigan nga gi-aprobahan ang sulat-hangyo nga mga sakyanan ug ekwipo alang sa probinsya nga nadawat na karon sa kagamhanang probinsyal, kini ang gibutyag ni Acting Provincial Administrator Wilberth Magallanes.

Gipahimutang sa nataran sa Kapitolyo ang 4 ka ambulansya alang sa mga district hospitals ug sa Zamboanga del Norte Medical Center samtang 3 ka Toyota Hilux pickup truck ang gigahin alang sa mga Board Members sa ikatulo nga distrito ug laing 4 ka mga pick up usab alang sa mga department heads sa Kapitolyo. 

Matud pa sa administrador sa probinsya nga gilauman pa usab ang taliabot nga mga sakyanan nga gigahin alang sa mga nangulo sa mga buhatan sa kapitolyo. Tumong sa administrasyong Jalosjos nga makalihok kon maka-trabaho sa madali nga panahon kung adunay mga saktong sakyanan ang matag opisina. 

Matud pa ni Magallanes nga mapasalamaton si Governor Nanay Nene ngadto sa Sangguniang Panlalawigan pinanguluhan ni Vice Governor Julius Napigquit nga gihatagan sa pagtagad ang mga panginahanglanon sa probinsya partikular na ang mga sakyanan ug ekwipo.

Gilauman nga adunay 7 ka mga graders ang mahidangat karong semanaha nga dako kaayo ug ikatabang sa pagpadali sa mga proyekto sa probinsya. Lakbit saysay ni Magallanes nga taliwala sa mga gipang-donar sa nakalabay nga administrasyon nga mga ekwipo, gikataho nga ibalik sa probinsya tungod sa kadako sa mga maintenance niini nga dili makaya sa local government, sama pananglit sa usa ka piyesa nga paliton nga mokantidad sa P150,000-P200,000. 

Niini, dili makapaabot ang lalawigan kung kanus-a mabalik ang maong mga ekwipo tungod kay sumala pa hinay ang pagpatuman sa mga proyekto sa Provincial Engineering Office hinungdan nga naningkamot na lamang ang administrasyong Jalosjos nga mahatagan sa pamaagi ang maong problema. 

Subay niini, si Governor Nanay Nene Jalosjos nagahangyo usab sa tanang mga empleyado sa kapitolyo sa tiunay nga pagtinabangay ug bug-os nga kooperasyon aron makab-ot ang kalamboan sa probinsya alang sa mga residente. (Joeue Ramirez)

 



No comments:

Post a Comment