IPIL, Zamboanga Sibugay - Malipayong gibalita sa Provincial Health Office (PHO) Zamboanga Sibugay sa pagpanguna ni Dr. Ulysses Chiong, Provincial Health Officer ang pagsaka sa status sa George Tocao Hofer Medical Center sa lalawigan sa Zamboanga Sibugay gikan sa Level 1 ngadto na sa Level 2 nga kategorya.
Daku kaayo kining tabang sa mga katawhan sa Zamboanga Sibugay og bisan pa sa mga kasikbit nga mga probinsya sanglit makahatag kini og de kalidad nga matang sa serbisyo-medikal.
.jpg)
Kaniadto, gikinahanglan pang moadto pa sa halayong dapit aron lamang nga magpa opera sa gihambin nga balatian.
Tumong ning maong improved status nga patas-an pa ang kapasidad nga moserbisyo alang sa urgent medical intervention.
Kini nga programa ubos sa Universal
Health Care Law tumong aron ipaduol ngadto sa katawhan sa matag rehiyon ang
taas nga kalidad sa matang nga serbisyo aron dili na magastuhan og daku ang mga
yanong katawhan ilabi na ang anaa sa malisud nga kahimtang sa kinabuhi.
(Juander Radyo)
