Sulat gikan sa Davao: 'Pagpapaspas sa Serbisyo sa
Gobyerno' Ni Jun Ledesma
(Biyernes sa Davao City) Taliwala ako sa usa ka lamok-lamok sa Philippine Statistics Authority (kanhi NSO). May sobra usa ka libo kami nga nagpila sa nagkalainlaing bintana. Paglukat og mga birth certificate sa mga sakop sa akong pamilya maoy akong tuyo. Ang mga kawani sa PSA todo-hirit nga nagproseso sa mga tuyo sa kada usa namo ug episyente ang ilang lihok ug matinahuron. Isip senior citizen, gitagaan ko ug ang ubang mga senior citizen lakip na ang mga PWD og espesyal nga serbisyo.
Ang opisina sa PSA nga nagaproseso sa mga papeles nga gikinahanglan bag-o pa lang gyud nga ningbalhin og buhatan, mas dako, luag og espasyo, naka-aircon, may igo-igo nga gidaghanon sa lingkoranan nga komportableng lingkoran ug mga TV aron ka malingaw, di ka laayan o gil-asan ug makalimot ka sa kutoy sa imong tiyan. Ang baga nga duot sa katawhan nga moanhi dinhi aron mokuha og mga dokumento sa bunyag og kasal naghimo sa trabaho sa mga empleyado sa PSA nga lisud kaayo. (Samtang ko nagsulat niini, ang mga tawo nga nag-akupar sa katungang bahin sa lawak-hulatanan ninghugyaw sa ilang suporta sa ilang tagsa-tagsa ka NBA team. Matag karon og unya kadtong nanan-aw sa mga komedi nga video magkorus sab og katawa.)
Human nako og bayad sa cashier, gisultihan ko nga pahulaton og usa ka oras para sa mga kopya sa akong gibayran nga mga certificate.
Nga mihatod nato sa tema nga may kalambigitan.
Si Presidente Duterte ningmando sa tanang ahensya sa gobyerno nga paspasan ang pagproseso sa tanang dokumento ug tubagon ug sulbaron ang tanang pangutana ug reklamo sa pinakadali nga panahon. Niining panahon sa cyberspace ug internet, nagpangutana ko sa akong kaugalingon nganong kinahanglan pa man nato nga mopila ug maghulat og pila ka oras aron maproseso ug makuha ang mga dokumento. Ang plaka sa sakyanan moabot pa gyud og pipila ka tuig una nimo makuha! Karon nga duna na tay national ID, seguro usa sa mga benepisyo sa mga NID holder mao ang mas mubo nga panahon sa pagproseso sa ilang mga papeles.
Sumala sa akong nasabtan, ang pagproseso sa mga dokumento giprangkisa ngadto sa usa ka pribadong kompaniya. Tingali pwedeng tagaan sa PSA og awtoridad ang mga lokal nga government unit paghimo niana tungod kay tanan nga mga datos nga anaa sa ilang mga data bank naggikan man sa cilvil registry sa LGU. Hapit na sab mohatag og agianan sa internet ang National Broadband Network sa Department of Information. Daghan sa mga LGU sa mga hilit nga lugar makonekta na sa komunikasyon. Mopakunhod ni sa gidaghananon sa duot sa katawhan nga magpanon sa opisina sa PSA rehiyon.
Angay nga pangitaan og pamaagi ang pagpasayon ug pagpapaspas sa dagan sa proseso sa pagkuha og mga dokumento sa gobyerno, ug pagpapaspas sab sa dagan sa trapiko sa mga kadalanan.
Nagpamalandong lang ug nagsulatsulat samtang nagahulat ko sa akong mga dokumento. Wa koy hilig sa basketbol ug di sab ko makakatawa kun nagkutoy akong tiyan. (Jun Ledesma)
(Biyernes sa Davao City) Taliwala ako sa usa ka lamok-lamok sa Philippine Statistics Authority (kanhi NSO). May sobra usa ka libo kami nga nagpila sa nagkalainlaing bintana. Paglukat og mga birth certificate sa mga sakop sa akong pamilya maoy akong tuyo. Ang mga kawani sa PSA todo-hirit nga nagproseso sa mga tuyo sa kada usa namo ug episyente ang ilang lihok ug matinahuron. Isip senior citizen, gitagaan ko ug ang ubang mga senior citizen lakip na ang mga PWD og espesyal nga serbisyo.
Ang opisina sa PSA nga nagaproseso sa mga papeles nga gikinahanglan bag-o pa lang gyud nga ningbalhin og buhatan, mas dako, luag og espasyo, naka-aircon, may igo-igo nga gidaghanon sa lingkoranan nga komportableng lingkoran ug mga TV aron ka malingaw, di ka laayan o gil-asan ug makalimot ka sa kutoy sa imong tiyan. Ang baga nga duot sa katawhan nga moanhi dinhi aron mokuha og mga dokumento sa bunyag og kasal naghimo sa trabaho sa mga empleyado sa PSA nga lisud kaayo. (Samtang ko nagsulat niini, ang mga tawo nga nag-akupar sa katungang bahin sa lawak-hulatanan ninghugyaw sa ilang suporta sa ilang tagsa-tagsa ka NBA team. Matag karon og unya kadtong nanan-aw sa mga komedi nga video magkorus sab og katawa.)
Human nako og bayad sa cashier, gisultihan ko nga pahulaton og usa ka oras para sa mga kopya sa akong gibayran nga mga certificate.
Nga mihatod nato sa tema nga may kalambigitan.
Si Presidente Duterte ningmando sa tanang ahensya sa gobyerno nga paspasan ang pagproseso sa tanang dokumento ug tubagon ug sulbaron ang tanang pangutana ug reklamo sa pinakadali nga panahon. Niining panahon sa cyberspace ug internet, nagpangutana ko sa akong kaugalingon nganong kinahanglan pa man nato nga mopila ug maghulat og pila ka oras aron maproseso ug makuha ang mga dokumento. Ang plaka sa sakyanan moabot pa gyud og pipila ka tuig una nimo makuha! Karon nga duna na tay national ID, seguro usa sa mga benepisyo sa mga NID holder mao ang mas mubo nga panahon sa pagproseso sa ilang mga papeles.
Sumala sa akong nasabtan, ang pagproseso sa mga dokumento giprangkisa ngadto sa usa ka pribadong kompaniya. Tingali pwedeng tagaan sa PSA og awtoridad ang mga lokal nga government unit paghimo niana tungod kay tanan nga mga datos nga anaa sa ilang mga data bank naggikan man sa cilvil registry sa LGU. Hapit na sab mohatag og agianan sa internet ang National Broadband Network sa Department of Information. Daghan sa mga LGU sa mga hilit nga lugar makonekta na sa komunikasyon. Mopakunhod ni sa gidaghananon sa duot sa katawhan nga magpanon sa opisina sa PSA rehiyon.
Angay nga pangitaan og pamaagi ang pagpasayon ug pagpapaspas sa dagan sa proseso sa pagkuha og mga dokumento sa gobyerno, ug pagpapaspas sab sa dagan sa trapiko sa mga kadalanan.
Nagpamalandong lang ug nagsulatsulat samtang nagahulat ko sa akong mga dokumento. Wa koy hilig sa basketbol ug di sab ko makakatawa kun nagkutoy akong tiyan. (Jun Ledesma)
ee media rates: http://mindanaoexaminer.com/ad-rates/
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/
http://mindanaoexaminernewspaper.blogspot.com/
Share Our News
Digital Archives: http://issuu.com/mindanaoexaminernewspaper
No comments:
Post a Comment