GIPASALAMATAN NI Cebu City Mayor Edgar Labella ang mga ginsakpan sa Emergency Operation Center (EOC) nga gipanguluhan ni Konsehal Joel Garganera tungod sa ilang paningkamot sa pagtubag sa problema sa pandemic ug sa padayong pagkunhod sa kaso sa Covid-19 sa Cebu City.
'Cebu wala na sa Top 10 LGUs nga dunay daghang kaso sa Covid-19’
Sa pagka-karon, wala na malakip ang Cebu City sa top 10 nga mga local government units nga dunay daghang kaso sa nag-positibo sa Covid-19. Lakip sa mitambong sa tigom sa EOC si Konsehal Phillip Zafra.
Nakita ni Labella nga sa miaging buwan nga misaka ang kaso sa nagpositibo sa Covid-19, naningkamot ang mga kadagkuan sa EOC nga mangita og pamaagi nga mokunhod dayon kini hilabi na nga daghang establisemento na ang nag-abli ug nagkadaghan na sab ang nag-gawas sa ilang panimalay. Basi sa datos sa EOC, sagad sa nataptan gikan nagumpra sa mga dagkong grocery store.
Gikalipay usab ni Labella nga sa miaging tuig, nag-una ang Barangay Luz ug Mamabaling sa dunay labing taas nga kaso sa nagpositibo sa Covid-19, apan karon, nagpadayon ang pagkunhod sa kaso niining maong mga lugar.
Gipasalig ng Mayor nga sa dili madugay, mangabot na ang dugang bakuna batok Covid-19 sa Cebu City.(Cebu Examiner, CCPIO)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
No comments:
Post a Comment