Ang bangkay ni Mujib Usman at ang niratrat na pump boat. (Mindanao Examiner / Ely Dumaboc)
ZAMBOANGA CITY – Patay ang isang 12-anyos na estudyante matapos itong ratratin ng isang crew ng fishing boat sa karagatan ng Zamboanga City habang nangingisda kasama ang dalawang iba pa.
Kinilala ng pulisya ang biktima na si Mujib Usman at isang tama sa ulo ang ikinamatay nito. Nabatid na nangingisda sina Usman sakay ng kanilang pump boat ng sila’y mapalapit sa F/B Nancy 1, ngunit laking gulat na lamang nila ng sila’y pagbabarilin, ayon sa mga kasamahan ng biktima.
Nahulog pa sa pump boat si Usman at kinuha pa ito ng kasamahan habang patuloy ang pamamaril na naganap kamakalawa ng hating-gabi. Kaninag umaga ay nakabalik na sa kanilang lugar sa Barangay Labuan ang mga nakaligtas sa atake.
Sinabi ng pamilya ni Usman na masipag na bata ang napaslang at sa tuwing walang pasok ay nangingisda ito upang may maitabing pera na siyang gagamitin sa pagbili ng mga notebooks at papel sa klase.
Patuloy ang imbestigasyon ng pulisya sa kaso at hindi pa umano bumabalik ang fishing boat sa Zamboanga. Bukod sa murder ay mahaharap rin sa kasong illegal possession of firearms ang kriminal dahil maghigpit ang pagbabawal sa pagdadala ng armas ngayon political campaign season. Hindi pa mabatid kung may papeles ang armas at kung sino ang bumaril. (E. Dumaboc)
Share Our News
Like Us on Facebook: https://web.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Digital Archives: https://issuu.com/mindanaoexaminernewspaper
Like Us on Facebook: https://web.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Digital Archives: https://issuu.com/mindanaoexaminernewspaper
No comments:
Post a Comment