Kelot patay matapos na mang-agaw ng armas sa sundalo

ZAMBOANGA CITY – Patay ang isang lalaki matapos nitong tangkain agawin ang armas ng isang sundalo sa kampo ng Philippine Army sa Zamboanga City.

Kinilala ng pulisya ang napaslang na si Hamison Marani, 30. Nagtamo ito ng isang tama ng bala sa kanyang katawan matapos na paputukan ni Corporal Novin Guzman na siyang sentinel ng naturang kampo sa malayong Barangay ng Mutin nitong Abril 3.

Sa inisyal na imbestigasyon ng pulisya, sinabi ni Chief Inspector Rogelio Alibata, ang regional police spokesman, na unang humingi ng tubig na maiinum si Marani sa sundalo at agad naman itong binigyan.

Matapos na makainom ay sinabihan ni Guzman ang lalaki na maaari na itong umalis dahil bawal ang sibilyan sa naturang kampo. Ngunit bigla na lamang sinunggaban ni Marani ang automatic rifle ng sundalo at mabuti na lamang ay hindi nakuha ng lalaki ang armas.

Nag-warning shot pa ang sundalo, ngunit sinugod pa rin ito ng lalaki habang armado ng malaking tipak ng bato at pilit na sinasaktan upang makuha ang armas. Dito na pinaputukan ng isang beses ni Guzman si Marani na tinamaan sa kanyang tagiliran.

Mabilis rin sumuko si Guzman sa kanyang commanding officer ng si Capt. Ian Kher Inot ng 21stInfantry Battalion at dinala nito sa presinto ng pulisya ang sundalo habang inaayos ang kaso.

Hindi pa mabatid kung ano ang motibo ni Marani sa kanyang ginawa. (Mindanao Examiner)

Share Our News
Like Us on Facebook: https://web.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Digital Archives: https://issuu.com/mindanaoexaminernewspaper