PADAYON ANG pagpatuman sa City Ordinance No. 2020-354 o "Anti-COVID-19 Discrimination Ordinance of Gingoog City" base sa press briefing nga gipahigayon sa Penthouse, City Hall Compound.
Kini nga ordinansa namugna sa pagpaningkamot sa kasamtangang administrasyon nga gipanguluhan City Mayor Erick G. Cañosa, Vice Mayor Peter M. Unabia ug sa hugot nga suporta sa Sangguniang Panlungsod, arun sa pagprotektar sa mga Persons Under Monitoring (PUM), Patients Under Investigation (PUI), Healthworkers, Emergency Personnel, Volunteers ug uban pang mga Frontliners sa panahon sa COVID-19 pandemik.
Kini nga balaodnon mamahimong gamiton sa bisan kinsa nga mu-harass, discriminate o pagpakaulaw sa mga PUM, PUI, hilabi na sa tanan frontliners nga naningkamot ug nagsakripisyo aron mapabilin nga COVID-free ang dakbayan.
Lakip niini nga ordinansa ang pagsilot sa bisan kinsa na mag anunsyo sa publiko o sa social media sa mga personal information sa mga PUM o PUI. P5,000.00 nga multa o pagkapriso sa dili mulabaw sa six ka bulan ang mamahimong penalty sa molapas sa maong ordinansa.
Sa kasamtangan, padayon ang pagpaningkamot sa Lokal nga Panggamhanan sa pagpangulo sa Team CU nga mamahimong ehemplo sa bayanihan spirit ug pagkahiusa sa mga konstituwente laban sa COVID-19.
No comments:
Post a Comment