Saksakin ninyo!

DAVAO CITY – Hinimok ni Pangulong Rodrigo Duterte ang mga Pilipino na saksakin ang mga taong gumagamit ng kanyang pangalan o mga miyembro ng kanyang Gabinete at opisyal ng pamahalaan at nagsabing huwag magbibigay ng anumang suhol.

“Kung malaman namin, madisgrasya ka pa. Iyong may mga tao na nag-iikot na sabi nila lalakarin nila, alam mo ang gawain ninyo kung nagbigay na kayo ng pera, purnada talaga kayo kay hindi naman totoo ‘yan. Saksakin na lang ninyo. Saksakin na lang ninyo,” ani Duterte sa pagtuturo kung paano ang gagawin.

Huwag rin umanong gumamit ng baril at makakatawag ito ng pansin dahil sa maingay ang putok ng bala kumpara sa patalim.

“Huwag mong barilin kasi maingay. Madali kang mahuli. Saksakin na lang ninyo. Wala ‘yan. Ito ‘yung mga parasites, mga linta, and they thrive on the gullible iyong pati ‘yung naive na lolokohin mo ‘yung kapwa mo tao. Kasi kung alam mo kung straight ka, ang contract mo maganda, kumpleto, walang kulang, you do not have to convince anybody that it is really good because it is really good. Then ba’t — ba’t kayo pumasok…? Maniwala itong mga tao na ito,” paliwanag pa ni Duterte.

Huwag rin umanong maniniwala sa mga litrato na nagpapakita sa mga opisyal kasama ang mga ibang tao at hindi umano ito patunay na malapit sila sa isat-isa.

“Itong putang inang itong corruption — at I am speaking in behalf of sa amin lahat dito — ‘yung gamitan ng pangalan,” sambit pa nito. “Alam mo kami politiko, lalo na noong election, kung sinong lumapit sa amin magpa-photo, o ‘di pinagbigyan. Politiko, boto ‘yan eh. Ngayon, peace time na, tapos na ang election, itong lokohan na pakita nila katabi ko sila o sa kasal na magkakumare, kumpare kami, tapos may nilalakad, tapos sabihin na lalakarin namin ‘yang papel mo, bigyan mo kami ng down payment ng ano.”

Sinabi pa ni Duterte sa publiko na huwag magpapaloko at inutusan ang National Bureau of Investigation (NBI) na dakpin ang mga taong gumagamit ng kanyang pangalan.

“Alam mo, walang nagpapaloko — walang, walang naloko kung walang magpapako — magpapaloko. I am calling on the NBI to double their time pangpahuli nito. Hulihin ninyo ito tapos kung ano, ma-detain ninyo ‘yan sa gabi, wala pa naman ‘yung — bago ninyo dalhin sa korte to — for filing of the cha — idaan mo nga sa Malacañan. Tignan ko lang ang pagmumukha nito. Ang sarap kasing mag-ganoon ng mukha, mag — iyang mukha ng tao paliitin mo kasi maraming sumbong dito sa amin,” ani Duterte. (Mindanao Examiner)

Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates