‘Yurak-yurak na naman kay Duterte ang ayaw sa bakuna’
MULING NIYURAKAN ni Pangulong Rodrigo Duterte ang katauhan o dignidad ng mga umaayaw sa bakuna matapos nitong murahin at tawagin na “pangit” ang mga tumatanggi sa naturang gamot kontra Covid-19.
Ang pagmumura ni Duterte sa kanyang “Talk to the People” ay broadcast sa buong bansa na kung saan ay nanawagan ito sa publiko na magpa-bakuna at samanralahin ang tatlong araw na vaccination drive na ilulunsad ng pamahalaan ngayon buwan.
“We
are planning to conduct a three-day national vaccination drive from November 29
to December 1, coinciding with our November 30 commemoration of Bonifacio Day.
With this, we want to convey the message that every Filipino who will get vaccinated.
Lahat na pala, ang gustong sabihin dito sa gobyerno na ‘yung lahat nagpa-bakuna
are heroes, lahat kayo hero. Iyong hindi nagpabakuna ‘yung mga pangit na put, putang
ina kayo. Huwag ninyo akong bigyan ng problema,” ani Duterte.
Ilang
ulit ng pinagmumura ni Duterte at pinagbantaang ikukulong ang mga mamamayan na
ayaw sa bakuna.
Sinabi
naman ni Interior Secretary Eduardo Año ay naglabas na ito ng direktiba na naglalayong mapabilis ang utilization ng mga
bakuna sa mga lokal na pamahalaan. Nakasaad sa direktibang ito na inaasahan umano
ng Department of the Interior and Local Government (DILG) ang patuloy na
koordinasyon ng mga local governments sa Regional Vaccination Operations
Centers.
Dapat
umanong siguraduhin na nakapagsumite angf mga local governments ng kanilang
vaccination reports sa tamang oras upang malaman kung gumagalaw ba ang mga
bakuna at makasiguro na walang masisira o masasayang na bakuna at maibigay ito
sa mga kababayang naghihintay ng kanilang COVID-19 vaccine.
Pinuri
naman ni Año ang mga
gobernador at mayors sa kanilang suporta sa mass vaccination program ng
pamahalaan.
“Natutuwa
po tayo na ang mga governors at mayors ay nagbigay ng commitment upang doblehin
ang kanilang performance. Naglabas din ang Kagawaran ng kahalintulad na
direktiba para naman sa mga DILG regional directors, sa ating BARMM Interior
and Local Government minister upang sapat na magabayan ang LGUs sa tamang
storage at handling ng mga gamot at masigurado ang mabilis at maibigay ang
bakuna sa taong-bayan.”
“Para
naman po mahikayat ang mga tao na magpabakuna, ang ating LGUs ay magsasagawa
nang mas maiigting na advocacy campaign at magpapasa ng mga ordinansa na
bibigyan ng mga insentibo ang fully vaccinated na kababayan natin sa mga
economic and social activities. Napag-usapan din po namin sa aming pagpupulong
na ito ang maraming best practices ng ilang local chief executives at natutuwa
pa rin po tayong madinig mismo sa ating mga mayors at governors na handa silang
tumulong sa kanilang mga karatig-probinsiya, lungsod o munisipyo upang
mapabilis ang administration ng COVID-19 vaccine lalo na sa mga LGUs na kulang
sa manpower at logistical capabilities,” paliwanag pa ni Año. (Mindanao Examiner)
