Duterte, may pasabog na naman!

‘Pangulo may banat sa mga presidential candidates’

BIGLANG TUMIGIL si Pangulong Duterte sa kanyang banat kay presidential candidate Bongbong Marcos, na running mate ng kanyang anak na si Davao City Mayor Sara Carpio, ngunit may banta naman ito na muling titira sa mga kandidato.

“I will personally name the candidates and maybe what’s wrong with them na kailangan malaman ng tao because you are electing a president. Sino ‘yung pinaka-corrupt na kandidato, sino ‘yung kandidato na… You know, this is part of --- hindi ako namumulitika. I am talking to you as your President. There are things that which you must know sa aking trabaho and ito kailangan ilalabas ko kasi we are talking of elections, we are talking of our country and the next rulers, so to say, so to speak,” ani Duterte.

Hindi naman ito nagsabi ng pangalan, ngunit ilang beses na rin nitong pinasaringan si Marcos dahil aniya ay mas dapat na maging presidential candidate si Sara.

“Importante malaman nila na ano. Pero ito, bahala na kayo. If you want to believe in me, if you still believe me, I will tell you. But if you reject it, kung ayaw ninyong maniwala, ang masasabi ko lang bahala kayo. Tutal it’s your country, it’s not only mine, and kailangan may malaman kayo na alam ko na hindi ninyo alam because alam ko.”

“Why? Because I am the President and I get all information from everybody, and not only that, from personal experience, nakita ko lang. Nakita ko. Hindi ako nagsabi na na magmakarunong ako. From observation, makita mo man. Parang ang taong nakainom malaman mo na medyo sumobra siya sa limit ng botelya na kaya niya. Tapos mag-away, tapos magtapang, mas sa ano -- magsalita masakit, akala mo may utang ang kaharap, kala niya may utang ‘yung tao sa kanya. Ganoon ‘yan eh,” wika pa nito.

Ngunit kaliwa’t kanan naman ang batikos ng publiko kay Duterte sa kanyang banta dahil siguradong ikakampanya nito ng husto ang sariling anak at posible maging ang kandidatura ni Marcos, na anak ng dating dictador at plunderer na si President Ferdinand Marcos.

Matatandaan na ang ama ni Duterte na si Vicente ay dating nasa Gabinete ng dictador kung kaya’t pinayagan nito na mailibing sa Libingan ng mga Bayani ang dating presidente.

Inamin rin ni Duterte na si Senador Imee Marcos, na kapatid ni Bongbong, ang siyang tumulong sa kanyang kampanya noong 2016 presidential polls kung kaya’t malaki ang utang na loob nito sa Pamilyang Marcos.

“Ang gusto ko lang sabihin dito na kung magkampanya ako dahil parang obligasyon ko kasi. So walang personalan ‘to because obligasyon ko lang na kailangan masabi ko sa tao. Pero sa lahat ng nakikita ko, para sa akin, well, except one, mayroong isyu eh na hindi maganda.”

“So kung ito maging presidente, baka mapilitan ako araw magyawyaw, maging ano na tuloy ako. Kaya kung na-presidente ito, masabi ninyo na may - ito si Mayor - may tama niyang - kung ‘yang paniwala niya tama rin na sabihin niya ang nalalaman niya na whether it is my truth or your true belief, ah bahala na. Basta inamin ko, sabihin ko na ngayon, alam ko, alam ko. So sa mga tao na Pilipino sabihin ko, kung magno - hindi man - kung maniwala kayo, okay man sa atin. Pero kung hindi, mabuti rin sa akin, wala,  nothing at stake for me,” paliwanag pa ni Duterte.

Hindi naman sinabi ni Duterte kung gaano ka totoo ang mga paratang nito at sa mga nakalipas na mga taon at noong 2016 presidential campaign ay maraming rin itong ikinalat na mga fake news.

Ngunit pinangatawanan ni Duterte ang kanyang mga banta sa mga presidential candidates.

“Mayroon diyan talagang hindi puwedeng maging presidente. Mayroon naman diyan na presidente pero masyadong corrupt. Akala lang kasi ng mga tao malinis pero ‘yung mga  mga nag-transact sa business sa kanya, official business, pati ‘yung mga Chinese nagreklamo na na masyadong corrupt daw. Kaya naghihingi sa kanila, sabi kung may magawa ako. Sabi ko ang magawa ko is to charge him for corruption. It could be under the Revised Penal Code, it could be under Republic Act 3019, ‘yung Corrupt Practices Act.”

“Tapos ‘yung, well so many laws to, but fundamentally, it’s the Revised Penal Code or the Corrupt Practices and so ‘yun lang kasi maraming nagtatanong bakit ako hindi nagsasalita? Maaga pa eh. Gawain lang nilang pulutan ‘yung kalaban, tapos siyempre ako ‘yung reference point nila. Pati ako madale sa ano, sa galit o sa ano, mahirap rin ‘yan kasi ayaw ko ng away eh. Bakit ako maghahanap ng away? Magre-retire na ako, tahimik na ‘yung buhay ko. Pero I feel that there are things which I would have to reveal to the Filipino people because it’s my job to tell the truth. Wala akong karapatan not even, I am not given a privilege of whatever for lying,” dagdag pa ni Duterte.

Sinabi pa ni Duterte na hindi umano siya nagsisinungaling at lahat ng ibinibintang ay totoo.

“Ang sinabi ko ang totoo, now ngayon kung ang mga tao maniwala, bahala sila, election eh. Kung ayaw nilang maniwala, ganoon rin. So mayroon naman dito na hopelessly, I think, hindi dapat ma-presidente, medyo kulang talaga. Kulang na kulang. Everyday may sasabihin siya na mali o maski the fundamentals, ‘yung ano, of what a person na gustong ma-presidente dapat,” wika nito.

Sinabi rin noon ni Duterte na may isang presidential candidate na gumagamit ng cocaine at walang nagawa para sa bayan hindi tulad ng ama. Hindi rin ito pinangalanan ni Duterte. (Mindanao Examiner)