PAGADIAN CITY – Mokabat sa usa ka milyon nga bangus fingerlings ang giapod-apod sa kagamhanang probinsyal ngadto sa mga coastal municipality sa Zamboanga del Sur.
Ang distribution gipanguluhan ni Governor Victor Yu, Pagadian aspirant mayor Atty. Jackie Bana ug Congressional candidate Victoria Yu. Lakip sa mga benepisyaryo sa maong programa mao ang lungsod sa Tambulig, Tukuran, Aurora, Labangan, V-Sagun, Kumalarang, Dinas BPCC ug syudad sa Pagadian.
Mapasalamaton ang mga nakadawat sa mga similya sa bangus tungod sa maong sustainable livelihood assistance nga gihatag kanila.
Matod pa ni Bana: “Dili man sa ingon kwarta ang gihatag apan kung buot huna-hunaon kung atong paningkamotan mahimo na kining kwarta.”
Dayag sa panagway sa mga beneficiaries ang kalipay nga ilang gibati kay dako na kaayo kini'g katabang alang kanila ilabina karun nga kasamtangan pa natong gisagubang ang pandemya. (VZDS)
No comments:
Post a Comment