Smart Greenhouse sa Bukidnon gilusad sa Dept. of Agriculture

MALAYBALAY CITY - Opisyal nga gilusad sa Department of Agriculture-Regional Field Office 10 (DA-RFO 10) ang kumpletong natukod nga P100 million nga Smart Greenhouse sulod sa Northern Mindanao Agricultural Crops and Livestock Research Complex compound sa Dalwangan, Malaybalay City.

Ang Smart Greenhouse usa ka State-of-the-Art nga proyekto sa agrikultura nga gipangunahan sa gobyerno sa South Korea ug gipundohan pinaagi sa Ministry of Agriculture, Food and Rural Affairs sa maong nasud, sa pakigtambayayong sa Department of Agriculture sa Pilipinas, nga nagpakita kung unsa ang kaayuhan sa Smart Greenhouse Technology alang sa innovative production sa strawberry, cherry tomato, ug white potato.

Gilusad sa Department of Agriculture-Northern Mindanao Regional Field Office, ang natukod nga P100 million nga Smart Greenhouse sulod sa research station niini sa Northern Mindanao Agricultural Crops and Livestock Research Complex Malaybalay City. (BGE)

Si Jong-Soon Lee, presidente sa Korean Agency of Education Promotion and Information Service sa Food, Agriculture, Forestry, and Fisheries miingon nga ang Korean Smart Greenhouse Technology natukod tungod kay sibo ang klima ug nagkalain-laing kondisyon sa Pilipinas alang niini nga teknolohiya.

“Korean Smart Greenhouse Technology has been proven in terms of productivity and effectivity. I hope this event will serve as a meaningful step forward in developing the Philippine Agriculture by successful cooperation between Korea and the Philippines,” matud ni Lee.

Si Evelyn Laviña, DA Undersecretary for High-Value Crops and Rural Credit, miingon nga tungod sa teknolohiya nga gipaambit sa gobyerno sa Korea, panahon na nga tan-awon ang modernisasyon sa agrikultura sa Pilipinas.

“This technology will greatly help in the Duterte administration’s national agenda towards Masaganang Ani at Mataas na Kita. This new technology is crucial in feeding the next generation,” matud ni Laviña.

Ang Smart Greenhouse Project gibahin sa upat ka mga component nga mao ang: Pagtukod sa usa ka Smart Farm nga gilangkuban sa 11 ka fully-automated Smart Greenhouses ug usa ka cold storage facility; Development of a local distribution system; Dispatch of experts; ug Capacity-building for potential technology adopters.  

Pinaagi sa proyekto, ang DA-RFO 10 nag tumong sa pagpataas sa produksyon sa de-kalidad nga strawberry, cherry tomato, ug white potato, isip sunod nga trademark nga produkto sa Northern Mindanao.

Si DA Regional Executive Director Carlene Collado mipasalig sa mga Korean partners sa DA sa interes sa ahensya sa pagpalambo sa Smart Greenhouse Project. 

“We are very thankful for being the only region in the entire Mindanao to be chosen as the recipient of the Smart Greenhouse Project. Certainly, we will share the technology with our farmers not only in Bukidnon, but in all five provinces of Northern Mindanao, particularly through the promotion of Smart Farming and precision agriculture,” dugang ni Collado. 

Isip usa ka research ug training center, ang DA-RFO 10 nagplano sa pag-abli sa Smart Greenhouse ngadto sa publiko aron mahimong agri-tourism destination sa rehiyon. (BGE)