PAGADIAN CITY – Mas tutukan ni Zamboanga del Sur Gov. Victor Yu ang pag-improbar ug pagpalambo sa health care system sa probinsya hangtod sa mga health centers sa barangay.
Mao kini ang giluwatang pamahayag sa gobernador atol sa mass oath taking ceremony ning bag-uhay pa lamang. Gibutyag ni Yu nga gusto niyang moagi og training ang mga barangay health workers sa kabarangayan aron mas makaresponde sila sa mga panginahanglan sa ilang komunidad.
Mipasalig usab si Rep. Divina Grace Yu nga suportahan pa ang mga child development centers pinaagi sa paghatag og mga TV sets ug uban pang educational equipment alang sa pag-atiman sa kabataan.
Kahinumdoman nga ilawom sa administrasyon lamang sa gobernador nakabaton og insentibo ug honorarium ang mga barangay health workers, barangay nutrition scholars ug child development workers agi’g pag-ila sa ilang kontribusyon ug trabaho sa barangay.
Gisaysay usab sa gobernador nga palitan pa og dugang mga ekwipo ug instrumento ang Zamboanga del Sur Medical Center aron mas daghan pang serbisyo medikal nga mahatag sa mga katawhan gawas sa zero billing policy ug Malasakit Center.
Kahinumdoman nga sa milabayng termino
sa gobernador, nahimong malampuson ang probinsya sa pakigkumbati sa Covid-19
pandemic ug nakabaton pa ang hospital og mga bag-ong kagamitan para sa dialysis
center, mga kahimanan para sa center for women’s health ug ang modernong
molecular laboratory. (Mindanao Examiner, Victory Zamboanga del Sur)
No comments:
Post a Comment