CEBU - Kabilang sa mga proyektong uunahin ng administrasyong Marcos Jr. para sa Cebu ay ang railway system at ang pagpapatupad ng Cebu Bus Rapid Transit.
Naniniwala ang
pangulo na napapanahon na para palawakin ang mga kasalukuyang railroad networks
gayundin ang pagpapatayo ng mga bago at buhayin ang mga hindi pa naaalis sa
pipe line.
Sa kanyang State
of the Nation Address, sinabi ni Marcos na maglalaan ang pamahalaan ng hanggang
6% ng Gross Domestic Product para sa infrastructure projects.
Kayang pondohan
ng bansa ang mga plano ni Marcos kaugnay sa hangarin nitong ipagpatuloy ang mga
proyektong pang imprastraktura ng bansa, ayon kay Finance Secretary Benjamin
Diokno.
Idinagdag pa ni
Diokno na ang hakbang na rightsizing sa gobyerno ay makakabuti rin anya para sa
pagtitipid na magreresulta sa mas madali at simpleng proseso. Sinabi din nito
na maaaring malampansan anya ng bansa ang napakalaking utang nito na lumubog sa
panahon ng pandemya.
Sinabi ni Marcos
na tatapusin niya ang mga kasalukuyang proyekto sa ilalim ng Department of
Transportation. Sa ilalim ng kanyang administrasyon, isa sa magiging prayoridad
nito ang modernisasyon sa agrikultura na tutulong sa mga magsasaka na mapabuti
ang kanilang produksyon.
Ayon kay Marcos,
lahat ng ito ay ibabase sa siyensa. Susuportahan din aniya ito ng
post-production processing. Paglilinaw pa ni Marco, ang modernisasyon na
kanyang nais ay hindi dapat makaapekto sa climate change.
Bukod sa
moraturium sa loans ng mga magsasaka, nais pa ng pangulo na paigtingin ang
suporta sa pinansyal na pangangailangan ng mga ito
Tiniyak naman ng
Department of Agriculture ang pagsasa ayos ng buong value chain upang matugunan
ang mga pangunahing problema tulad ng tumataas na mga bilihin sa agrikultura at
farm input prices. Puntirya ng kagawaran ay makakamit ang food sufficiency para
sa bansa. (IBC, Cebu Examiner)
No comments:
Post a Comment