Pagsusuot ng school uniform, optional na

OPTIONAL NA umano ang paggamit ng mga estudyante ng kanilang uniporme, partikular sa mga publikong paaralan, ayon sa order na inilabas ni Vice President Sara Duterte, na siya rin Education Secretary.

Sinabi ni Duterte na malaki ang matitipid ng mga magulang dahil hindi na umano kailangan bumili pa o magpatahi ng uniporme.

“Even before the pandemic, it is not a strict requirement for public schools to wear uniforms (DepEd Order No. 065, s. 2010) to avoid incurring additional costs to the families of our learners. All the more that it will not be required this school year given the increasing prices and economic losses due to the pandemic,” ani Duterte sa kanyang pahayag.

Nakasaad sa DepEd Order No. 065, s. 2010 na: “The wearing of a school uniform shall not be required in public schools. Students with existing uniforms may continue using these uniforms, if they so desire, in order to avoid incurring additional costs for new attire.”

Magsisimula ang in-person classes at distance learning sa Agosto 22, samantalang ang five-day, face-to-face classes ay sa Nobyembre naman.

Maraming magulang ang natuwa sa kautusan ni Duterte na huwag na munang obligahin ang paggamit ng umiporme. Malaking tulong umano ito dahil makakatipid ang mga magulang sa gastusin lalo’t pa na mataas ang presyo ng mga bilihin.

 

Ngunit umani naman ng ibat-ibang reaksyon mula sa ibang mga magulang ang kautusan ni Duterte.

 

“Ma’am Sara, mas mabuti po sana na may uniform kasi po, para parepareho po ang kasuotan ng mag aaral, pano na lang po ang mga pamilya na talagang sobrang hirap, baka po di na magsipasok ang mga bata dahil sa walang maayos na maiisuot ang mga estudyante nila. Kasi po pede pong pag simulan ng inferiority complex yan lalo na sa mga kabataan ng ang magulang eh talaga pong walang maibili ng mga maayus na damit ang estudyante nila,” ani Emerlinda Meneses.

 

Ayon naman kay Mari Trishelle Aviente: “Thank you Mam VP. For now we should understand the situation. But hoping later the government can subsidize sets of uniform and school supplies. Having uniforms won’t make a student feel a little less or higher than the other.”

“Sa totoo lang mas gusto ko po mi uniform kasi mas magastos bibili ng ibat ibang outfit. Mas madali din makilala ang student sa hindi lalo nat mi gang problem dito sa amin,” sabi pa ni Ori Sofi.

 

Sinabi ni Dr. Fakhrul Islam Babu na “Don't Raise the Bridge, Lower the River. Let us understand that, no need to wear a uniform until further order in public school. Thanks, VP!” (Mindanao Examiner)