DIPOLOG CITY - Adunay 210 ka senior citizen sa Barangay Santa Filomena ang nakadawat sa plastic container sa biscuit nga gipahigayon sa covered court.
Kini tipik sa Gugma Ayuda ni Nanay Nene Outreach Program sa kagamhanang probinsyal sa administrasyon ni Governor Rosalina “Nanay Nene” Jalosjos.
Si Barangay Captain Benjie Maligro mipaabot sa iyang dakong pagpasalamat ngadto ni Nanay Nene sa walay puas nga suporta nga gipaabot niini ngadto sa Barangay Santa Filomena ilabi na sa mga edaran.
Malipayon si Maligro nga nakadawat sa maong ayuda ang mga senior citizen gumikan kay karon pa sila nakapahimulos sa maong programa sulod sa pipila ka tuig ang nakalabay ug walay bulok sa politika ang nakadawat niini.
Ang maong mga senior citizen nakadawat usab sa vitamins alang sa pagpahimsog sa ilang kalawasan.
Si Paul Jarantilla, 94 anyos, usa sa nakadawat sa maong ayuda ang mipadayag sa sa iyang dakong pagpasalamat ngadto kang Governor Nene tungod kay karon pa sila nakadawat sama niini nga ayuda alang kanila nga mga edaran.
Samtang si Lilia Dalugdog, 80 anyos,
ang nalipay ug nagpasalamat ni Governor Nene nga nakadawat sa biscuits ug
vitamins gumikan kay dili na sila makagasto aron sa pagpamalit niini gumikan sa
kamahal sa palitunon karon. (Krizchelle Baes)
No comments:
Post a Comment