Triple SB mayors nagpasalamat kang ‘Nanay Nene’ sa ayuda

DIPOLOG CITY - Kapin kon kulang 2,000 ka mga residente sa Sibuco, Sirawai, Siocon ug Baliguian kon Triple SB ang nakapahimulos sa ikaduhang hugna sa relief goods nga gihatag sa Kagamhanang-Probinsyal nga gipatuman pinaagi sa Provincial Social Welfare and Development Office (PSWDO) ug Provincial Disaster Risk Reduction and Management Office (PDRRMO).

Matod pa ni Assistant Provincial Social Welfare and Development Officer, Alex Sabal, 500 ka mga food packs, tag-singko kilos nga commercial rice ug mga de-latang pagkaon ang nahatag sa mga residente sa Sibuco, 500 ka food packs sa Sirawai, 800 ka food packs sa Siocon ug 200 ka mga food packs sa lungsod sa Baliguian, ning lalawigan sa Zamboanga del Norte. 

Gov. Rosalina "Nanay Nene" Jalosjos

Alayon niini, nagpaabot sa ilang dakong pasalamat kang Gov. Rosalina "Nanay Nene" Jalosjos sila si Sibuco Mayor Joel Ventura ug Municipal Administrator Ruth Molina Ventura sa tabang nga gilugway sa Kagamhanang-Probinsyal pinaagi sa PSWDO sa mga residente sa Sibuco nga nabiktima sa pagbaha nga dala sa nasinatiang low pressure area sa lalawigan di pa lang dugay, diin daghanang mga panimalay ang nangaguba ug panginabuhian ang nawala. 

Susamang pasalamat usab ang gipalanog nila Sirawai Mayor Aljazar Janihim ug Siocon Mayor Cesar Soriano, sa gipanghanghatag nga relief goods para sa mga biktima sa kalamidad nga nagpakita ug kausaban sa pagpangalad diin kini nagtunol ug hinabang sa tanang mga nanginahanglan nga walay pagpihig o pagpili sa tawo nga angayng tabangan. 

Alayon niini, nagpaabot sa ilang dakong pasalamat kang Jalosjos sila si Sibuco Mayor Joel Molina Ventura ug Municipal Administrator Ruth Molina Ventura sa tabang nga gilugway sa Kagamhanang-Probinsyal pinaagi sa PSWDO sa mga residente sa Sibuco nga nabiktima sa pagbaha nga dala sa nasinatiang low pressure area sa lalawigan di pa lang dugay, diin daghanang mga balay ang nangaguba ug panginabuhian ang nawala, sama sa mga mag-uuma ug fisherfolks nga wala makadawat sa unang hugna sa relief goods. 

Si Junaida Sujad, 47, sa Barangay Poblacion sa Sibuco nga usa sa mga biktima sa miaging pagbaha, nagpasalamat ug dako sa ilang nadawat gikan sa Kagamhanang-Probinsyal. Matod pa nila nga dako na kining tabang alang kanila nga nabiktima sa miaging kalamidad. 

Sila si Janihim ug Soriano ang mipabati usab sa susamang pasalamat kang Jalosjos sa relief goods nga ilang nadawat para sa mga biktima sa kalamidad sa ilang lungsod.

Matod pa sa duha ka mayor nga gipakita lang ni Jalosjos ang kausaban sa pagpangalad sa Kagamhanang-Probinsyal, diin nagtunol kini ug hinabang sa tanang mga nanginahanglan nga walay pagpihig o pagpili sa tawo nga angayng tabangan. (A.T. Ruda, Rafael Lagasca, Raymund Garovillo)