ZAMBOANGA CITY – Isang congressional probe ang ipinatawag ni Speaker Martin Romualdez upang imbestigahan ang mga reklamo ng mga senior citizens at persons with disabilities o PWDs sa mga commercial establishments na hindi nagbibigay ng 20% discount sa ilalim ng batas.
"Laws granting benefits to our senior citizens and PWDs should be strictly followed and implemented. And if there are several instances of the improper grant of these privileges and benefits, it becomes the common practice. So it cannot remain unchecked,” ani Romualdez.
Ang sinasabing batas ni Romualdez ay ang Republic Act (RA) No. 9994 o ang Expanded Senior Citizens Act of 2010 at RA 10754 o ang Act Expanding the Benefits and Privileges of PWDs.
Binigyan halimbawa pa ni Romualdez ang reklamo laban sa isang kilalang coffee shop chain sa Pasig City na nililimitahan sa isang food item lamang ang discount ng mga senior citizens at PWDs. Gayun rin ang kasong isinampa sa korte ng isang senior citizen laban sa isang hotel sa Pasig City dahil sa pagtanggo nito na magbigay ng 20% discount sa isang senior citizen.
“Maraming tanong ang ating mga senior citizen at PWDs, bibigyan natin sila ng pagkakataon kapag nagsimula na ang pagdinig sa Kongreso," wika pa ni Romualdez.
“Flagrant violations of the laws that grant benefits to our senior citizens and PWDs are trending topics on social media these past few months. It is high time that the House of Representatives review the implementation of these laws and find out if business establishments are complying with every provision,” dagdag pa nito.
Hinimok
ni Romualdez ang mga pamahalaang lokal at Department of Social Welfare and
Development (DSWD) at National Council on Disability Affairs (NCDA) na
siguraduhing ang karapatan ng mga senior citizens at PWDs.
Talamak
rin ang paglabag na ito sa Zamboanga City, partikular sa mga restaurant at food
court. Sa SM Mindpro, isang sikat na restaurant ang inireklamo dahil hindi ito
nagbigay ng 20% discount sa dalawang PWDs sa katwirang ang inorder nitong
pagkain ay special offer lamang. Gayun rin sa isang food stall sa nasabing mall
na nagbigay lamang ng 14% discount sa kanilang ibinibentang rice bowl.
(Mindanao Examiner)
No comments:
Post a Comment