Mga Sulat Gikan sa Davao:
ANG GOBYERNONG Duterte kinahanglan nga magbantay sa kalit nga pagtumaw sa mga maligno. Dugang ni sa mga ataking koordinado ug mga lihok pangdeestabilisasyon nga gipursigi sa mga oposisyonista ug mga negosyante sa tawhanong katungod nga way tulubagon ug obligasyon. Kining maong mga pwersa sa kangitngit uban sa mga media network ug mga irong-buang nga pang-ataki nga sinuholan sa mga langyaw ug mga sakop sa lokal nga oligarkiya ningdasdas na gyud og maayo sa gobyernong Duterte ug way hunonghunong na sila sa pag-ataki.
Ang mga desisyon ug mga aksyon sa administrasyong Aquino ginapahimudsan nila karon aron madamay ang mga opisyales nga naglingkod nga tinudlo sa gobyernong Duterte. Ang kontrobersyal nga isyu sa dengvaxi pananglitan ginatuis aron maguyod ang kasamtangang mga opisyales sa Department of Health. Ug unya naa pa ning isyu sa kontrata sa prigata nga nakompleto na ug napermahan ang mga papeles ilawom sa gobyernong Aquino nga ningguyod sa pinakasuod ug halos wa mailhi nga Presidential Assistant Sec. Christopher “Bong” Go. Samtang tinuud nga siya ang nagadumala sa Presidential Management Staff, ang iyang papel ministeryal lamang. Bisan pa niana, ginaapil gihapon siya og target sa mga way nada ug malisyosong mga tabitabi.
Ang pag-endorso sa isyu sa prigata usa lamang sa daghan pa kaayong mga butang nga moagi sa kamot sa PMS nga ipasa lang pud ngadto sa haum nga Departamento nga makatrabaho niini kauban ang nota nga for “appropriate action”.
Ang ako ra gyud nga makit-an nga rason nganong gitirahan og maayo si Bong sa mga kritiko nga daw mga irong-buang mao ang iyang pagkasuod kang Presidente Duterte. Mao ni ang prinsipal ug bugtong rason, wa nay lain. Apan ang mas nakapakurat nako mao ang interes sa Senado sa pag-imbestiga kang PAS Bong Go bisan pa og nahibalo na sila nga way labot si PAS Bong Go sa kontrata sa prigata kay human na ni og perma sa gobyerno ni Aquino, matud pa ni Philippine Navy Vice Admiral Ronald Joseph Mercado.
Ang liderato sa Senado nahulog sa lit-ag sa oposisyon ug simtoma kini sa kahuyang ug angay nga ikasubo. Dautan na gani ang paghatag og higayon sa oposisyon nga moistorya sa mga forum ug ang pag-usik-usik og mga oras tungod kay naminaw sa mga argumento bahin sa mga peke nga balita. Ang sentro sa maong imbestigasyon mao si Maria Ressa sa Rappler, nga mismo tinubdan sa mga bakak nga balita.
Matud pa niya, ang Rappler dili establisimyento sa media. Gialegar niya nga ang pinakadako niyang mamumuhunan, ang Omidyar Network, ningsalikway sa iyang gahum ug katungod sa pagbabag sa dili mauyonan nga editorial ug pagpanghilabot sa pagdumala sa Rappler. Dihang nasakpan nga namakak, nangita na sab og laing palusot: nga kuno ang $1-million nga puhunan sa ON sa Rappler donasyon lamang bisan og ang iyang gi-issue nga mga resibo mao ang Philippine Deposit Receipts, mga dokumento sa negosyo ug dili resibo sa mga donasyon nga pangpilantropo o charity. Namasangil sab siya nga ang iyang kagawasan gisugpo apan sa pagkatinuud iya kining gipahimudsan og gamit nga lupig pa ang panon nga way disiplina.
Ang Rappler mao ang organisasyon sa media nga ningsabwag sa mga bakak ni Matobato, Lascanas, nakakulong nga Senadora Leila De Lima ug ang mora og nabungog nga Senador Antonio Trillanes nga kugihan kayo mogasto sa kwarta sa mga tawo pagngadto-nganhi sa Estados Unidos nga ang tuyo mao ang pagmansa ug pagdaot sa dungog sa atong nasud. Sa iyang pagsulay og depensa sa minahal niyang alyado sa politika, si kanhi Presidente Aquino, gikan sa pagkalambigit sa bilyon-bilyon nga kontrata sa dengvaxia, gi-claim ni Trillanes nga way pupamilok nga ang iyang mga bata gibakunahan sab og dengvaxia, mao nga nganong duna pay kuti-kuti.
Ningdretso siya og akusar nga ang Davao mao ang sentro sa patay ug panglugos sa tibuuk nasud ug ninghingalan pa gyud siya og tuig. Nakalimot ang kurukungho – basin sab og nabungog – nga mao tong tuiga nga ang Siyudad sa Davao nakadawat og ganti-nasyonal nga pinakamalinawon sa tibuuk nasud ug ang ningpirma sa maong citation mao si DILG Sec. Mar Roxas.
Itandi ang kabug-aton sa nota ni Bong Go ngadto sa mga kadaut nga ginahimo sa mga pwersa sa kangitngit ngadto sa atong nasud. Sa pag-imbestiga sa Senado kang Maria Ressa bahin sa mga bakak nga balita, wa gani nila kasab-I ang babaye sa paghatag og balinsuhi nga alibay. Hangtud karon way timailhanan nga ang Senado mopahamtang og silot kang Trillanes aron makapanubag sa mga kadaot nga nahimo niya sa tibuuk nasud. Wa gani sila mainsulto ug gibati og kayugot nga ang ICC mag-imbestiga sa linubid nga extra-judicial killing nga isyu, nga minugna gikan sa nakutaw nga mga utok sa mga bakakon nga ginadirihe sa ilang mga bossing sa Senado. Nganong ibilin tanan kang Secretary Harry Roque ug Pres. Rodrigo R. Duterte. Ngano kaha? Unsay nakita? (Jun Ledesma)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: https://www.mindanaoexaminer.com and https://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
ANG GOBYERNONG Duterte kinahanglan nga magbantay sa kalit nga pagtumaw sa mga maligno. Dugang ni sa mga ataking koordinado ug mga lihok pangdeestabilisasyon nga gipursigi sa mga oposisyonista ug mga negosyante sa tawhanong katungod nga way tulubagon ug obligasyon. Kining maong mga pwersa sa kangitngit uban sa mga media network ug mga irong-buang nga pang-ataki nga sinuholan sa mga langyaw ug mga sakop sa lokal nga oligarkiya ningdasdas na gyud og maayo sa gobyernong Duterte ug way hunonghunong na sila sa pag-ataki.
Ang mga desisyon ug mga aksyon sa administrasyong Aquino ginapahimudsan nila karon aron madamay ang mga opisyales nga naglingkod nga tinudlo sa gobyernong Duterte. Ang kontrobersyal nga isyu sa dengvaxi pananglitan ginatuis aron maguyod ang kasamtangang mga opisyales sa Department of Health. Ug unya naa pa ning isyu sa kontrata sa prigata nga nakompleto na ug napermahan ang mga papeles ilawom sa gobyernong Aquino nga ningguyod sa pinakasuod ug halos wa mailhi nga Presidential Assistant Sec. Christopher “Bong” Go. Samtang tinuud nga siya ang nagadumala sa Presidential Management Staff, ang iyang papel ministeryal lamang. Bisan pa niana, ginaapil gihapon siya og target sa mga way nada ug malisyosong mga tabitabi.
Ang pag-endorso sa isyu sa prigata usa lamang sa daghan pa kaayong mga butang nga moagi sa kamot sa PMS nga ipasa lang pud ngadto sa haum nga Departamento nga makatrabaho niini kauban ang nota nga for “appropriate action”.
Ang ako ra gyud nga makit-an nga rason nganong gitirahan og maayo si Bong sa mga kritiko nga daw mga irong-buang mao ang iyang pagkasuod kang Presidente Duterte. Mao ni ang prinsipal ug bugtong rason, wa nay lain. Apan ang mas nakapakurat nako mao ang interes sa Senado sa pag-imbestiga kang PAS Bong Go bisan pa og nahibalo na sila nga way labot si PAS Bong Go sa kontrata sa prigata kay human na ni og perma sa gobyerno ni Aquino, matud pa ni Philippine Navy Vice Admiral Ronald Joseph Mercado.
Ang liderato sa Senado nahulog sa lit-ag sa oposisyon ug simtoma kini sa kahuyang ug angay nga ikasubo. Dautan na gani ang paghatag og higayon sa oposisyon nga moistorya sa mga forum ug ang pag-usik-usik og mga oras tungod kay naminaw sa mga argumento bahin sa mga peke nga balita. Ang sentro sa maong imbestigasyon mao si Maria Ressa sa Rappler, nga mismo tinubdan sa mga bakak nga balita.
Matud pa niya, ang Rappler dili establisimyento sa media. Gialegar niya nga ang pinakadako niyang mamumuhunan, ang Omidyar Network, ningsalikway sa iyang gahum ug katungod sa pagbabag sa dili mauyonan nga editorial ug pagpanghilabot sa pagdumala sa Rappler. Dihang nasakpan nga namakak, nangita na sab og laing palusot: nga kuno ang $1-million nga puhunan sa ON sa Rappler donasyon lamang bisan og ang iyang gi-issue nga mga resibo mao ang Philippine Deposit Receipts, mga dokumento sa negosyo ug dili resibo sa mga donasyon nga pangpilantropo o charity. Namasangil sab siya nga ang iyang kagawasan gisugpo apan sa pagkatinuud iya kining gipahimudsan og gamit nga lupig pa ang panon nga way disiplina.
Ang Rappler mao ang organisasyon sa media nga ningsabwag sa mga bakak ni Matobato, Lascanas, nakakulong nga Senadora Leila De Lima ug ang mora og nabungog nga Senador Antonio Trillanes nga kugihan kayo mogasto sa kwarta sa mga tawo pagngadto-nganhi sa Estados Unidos nga ang tuyo mao ang pagmansa ug pagdaot sa dungog sa atong nasud. Sa iyang pagsulay og depensa sa minahal niyang alyado sa politika, si kanhi Presidente Aquino, gikan sa pagkalambigit sa bilyon-bilyon nga kontrata sa dengvaxia, gi-claim ni Trillanes nga way pupamilok nga ang iyang mga bata gibakunahan sab og dengvaxia, mao nga nganong duna pay kuti-kuti.
Ningdretso siya og akusar nga ang Davao mao ang sentro sa patay ug panglugos sa tibuuk nasud ug ninghingalan pa gyud siya og tuig. Nakalimot ang kurukungho – basin sab og nabungog – nga mao tong tuiga nga ang Siyudad sa Davao nakadawat og ganti-nasyonal nga pinakamalinawon sa tibuuk nasud ug ang ningpirma sa maong citation mao si DILG Sec. Mar Roxas.
Itandi ang kabug-aton sa nota ni Bong Go ngadto sa mga kadaut nga ginahimo sa mga pwersa sa kangitngit ngadto sa atong nasud. Sa pag-imbestiga sa Senado kang Maria Ressa bahin sa mga bakak nga balita, wa gani nila kasab-I ang babaye sa paghatag og balinsuhi nga alibay. Hangtud karon way timailhanan nga ang Senado mopahamtang og silot kang Trillanes aron makapanubag sa mga kadaot nga nahimo niya sa tibuuk nasud. Wa gani sila mainsulto ug gibati og kayugot nga ang ICC mag-imbestiga sa linubid nga extra-judicial killing nga isyu, nga minugna gikan sa nakutaw nga mga utok sa mga bakakon nga ginadirihe sa ilang mga bossing sa Senado. Nganong ibilin tanan kang Secretary Harry Roque ug Pres. Rodrigo R. Duterte. Ngano kaha? Unsay nakita? (Jun Ledesma)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: https://www.mindanaoexaminer.com and https://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
No comments:
Post a Comment