FB followers ni ‘Congresswoman’ Beng, lalong dumami

PUMALO NA sa 377,000 ang mga followers ni Mayor Beng Climaco sa kanyang Facebook page at patuloy itong tumataas habang papalapit ang halalan sa Mayo nitong taon.

Noong nakaraang Nobyembre ay nasa mahigit 370,000 ang Facebook followers ni Climaco at mataas kung ihahambing sa pinagsanib na bilang ng social media followers ng beteranong si Celso Lobregat at Rep. Mannix Dalipe.

Si Climaco ay nasa ikatlo at huling termino na at ngayon ay tumatakbong congresswoman sa District 1 at inaasahang muling mananalo dahil sa kanyang karanasan sa mahabang panahon sa pulitika.

Nanilbihan si Climaco bilang councilor mula 1998-2004; vice mayor noong 2004-2007; at Congresswoman at Deputy House Speaker for Mindanao mula 2007-2010 at 2010-2013, bago pa man naging mayor noong 2013. Wala pa talo sa eleksyon si Climaco dahil sa taglay nitong kagalingan at sinseridad sa serbisyo.

Si Lobregat ay tinalo ni Climaco noong nakaraang halalan. Tanging si Climaco lamang ang nakatalo kay Lobregat mula ng ito ay naging pulitiko – mayor at congressman ng ilang beses.

Suportado rin ni Vice Mayor Meng Agan ang kandidatura ni Climaco. Si Agan ay tumatakbo rin bilang mayor sa Zamboanga. Ikinatuwa naman ng mga taga-sunod ni Climaco ang desisyon ni Agan na suportahan si Climaco. Todo naman ang pasasalamat ni Climaco kay Agan at sa grupo nito.

Sinigurado naman ni Climaco na ipagpapatuloy nito at lalong pagtitibayin sa Kongreso ang kanyang mga nasimulan. Sa loob ng kanyang panunungkulan, maraming nagawa o legasiyang maiwan si Climaco sa Zamboanga kung ihahambing sa mga nakaraang administrasyon.

Kaliwa’t-kanan ang mga proyekto ng administrasyong Climaco sa ilalim ng programang S.H.E. o ang “Security, Health at Education” na siyang prayoridad nito. Sa kanyang panunungkulan ay nabawasan ng husto ang mga krimen at nabigyan ng malaking halaga ang kalusugan ng mga mamamayan at seguridad ng lungsod at dumami ang mga negosyo.

Maging ang Pangulong Rodrigo Duterte at ang Department of the Interior and Local Government at iba pang mga ahensya ng pamahalaan ay kinilala at binigyan ng parangal si Climaco dahil sa kanyang maayos na panunungkulan at serbisyo sa Zamboanga.

Sa katunayan, nitong Enero lamang ay pinuri ng DILG ang Climaco administration matapos na pumasa ang pamahalaang lokal sa “2021 Good Financial Housekeeping” dahil sa “exemplary performance in financial administration.”

“Congratulations to the 2021 Good Financial Housekeeping Passers in Region IX. We commend the LGUs for their invaluable commitment to pursue an honest, transparent, accountable and orderly management of public funds,” ani ng DILG sa pahayag nito.

Sinabi ng DILG na “ang Zamboanga City government exhibited exemplary performance in financial administration which covers the following criteria: Most recent available COA Audit Opinion is Unqualified or Qualified for CYs 2019 or 2020; and compliance with Full Disclosure Policy-posting of all 14 documents in three conspicuous places and in the FDP portal for all quarters of CY 2020 and first quarter of CY 2021.”

Agad naman pinasalamatan ni Climaco ang mga kawani ng pamahalaang lokal at ang malaking tiwala ng DILG sa kanya.

“We thank the DILG for this and all of this is made possible with the commitment of honesty and transparency in governance. We thanked our department heads, the people working tirelessly at City Hall and everyone who contributed in one or the other in making this a reality. My commitment remains for the Zamboangueño people even beyond City Hall,” ani Climaco sa panayam ng Zamboanga Post.

Maging ang mga black propaganda at fake news na ikinakalat ng ilang mga grupo laban kay Climaco upang ito ay siraan ay hindi rin umubra dahil sa mataas na suporta at malaking tiwala sa kanya ng mga Zamboangueños.

At dahil sa mga kasinungalingan na ibinabato kay Climaco ay lalo pang tumaas ang bilang ng mga supporters at followers nito sa kanyang Facebook page.

Matatag at matibay ang ang Team Climaco, ayon kay Climaco at mananatili umanong prayoridad ang kanilang serbisyo sa publiko. “Team Climaco remains strong, united and committed to continue to work hard in this pandemic- to heal the sick and feed the hungry - na favor de Dios continua dale curada, comida y busca vida na tiempo de pandemia. Ciudad antes de todo!” (Zamboanga Post)