DIPOLOG CITY - Dili lang mga empleyado sa kapitolyo ang gihatagan ug pinaskuhan ni Governor Rosalina “Nanay Nene” Jalosjos karong paskoha, kundili hangtud na ang mga buhatan nga katambayayong niya paghatod sa matinud-anong serbisyo sa mga ZaNortehanon.
Tagsa-tagsang gitunol ni Governor Jalosjos, uban ni Provincial Administrator Wilberth Magallanes ug Provincial Engineering Office-OIC Engr. Rey Eguia ngadto sa nagkalain-laing buhatan sa kapitolyo ang yabe sa mga service vehicles.
Kini gilangkuban sa Provincial Bids and Awards Committee, Provincial Accounting Office, Provincial Planning and Development Office, Provincial Health Office, Provincial Budget Office, Provincial Tourism Office, Provincial Human Resources Office, ug Provincial Veterinary Office.
Alayon niini, nanghinaut si Governor Jalosjos nga padayong suporta sa tanang mga buhatan sa Kagamhanang-Probinsyal ang iyang damgo ug plano alang sa hingpit nga kalambuan sa lalawigan sa Zamboanga del Norte, subay sa iyang panultihon, “Misyon ko: Tinuod nga Serbisyo.” (AT Ruda, Jeffrey Lacay)
No comments:
Post a Comment